Յուրաքանչյուր երրորդ եվրոպացին կարճատեսությամբ է տառապում։
Տեսողության այս խախտման դեպքում մարդիկ ստիպված են լինում մշտապես ակնոց կրել կամ կոնտակտային ոսպնյակներ։
Այժմ դրա միայն մեկ հիմնավոր լուծում կա՝ վիրահատական միջամտությունը, որը բավական թանկ է և կարող է բարդություններ ունենալ։
Այսօր zNews-ը ներկայացնում է իսրայելցի գիտնականների նոր հայտնագործությունը. աչքի կաթիլներ, որոնք շուտով, հնարավոր է, կազատեն մեզ ակնոց դնելու անհրաժեշտությունից։
Աչքի նոր կաթիլները, ստեղծված առաջատար նանոտեխնոլոգիաների օգնությամբ, հաջողությամբ անցել են փորձարկումները և ապացուցել են իրենց էֆեկտիվությունը կարճատեսության և հեռատեսության բուժման դեպքում։
Նոր սերնդի դեղի մշակմանը մասնակցել են երուսաղեմյան «Շեարեյ Ցեդեկ» հիվանդանոցի առաջատար ակնաբույժները, ինչպես նաև Բար–Իլանի Համալսարանի հետազոտողները։
Գիտնականների խոսքերով՝ նանոկաթիլները հաջողությամբ լուծում են տեսողական խնդիրներըը, որոնց պատճառը եղջերաթաղանթի վնասվածքն է եղել, իսկ հետագայում կփոխարինեն նաև մուլտիֆոկալ ակնոցներին։
Նանոկաթիլները արտոնագրվել են որպես օրիգինալ հայտնագործություն և հաջողությամբ փորձարկվել են կենդանիների վրա, սակայն ներկա պահին դեռևս չեն կիրառվում կլինիկական պրակտիկայում։
Գիտնականները դեռևս պետք է պարզեն, թե արդյո՞ք նանոկաթիլները բացարձակ անվնաս են մարդու հմար, ինչպես նաև դրանց օգտագործման հաճախականությունն ու չափաբաժինները։
Տարվա վերջին ծրագրվում է իրականացնել առաջին փորձարկումները մարդկանց վրա։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
