Ինչպես հասկանալ, որ սա ուշագնացություն է և ոչ թե գիտակցության րոպեական կորուստ, ինչ է պետք անել, և ինչ չի կարելի ոչ մի դեպքում անել․ այս ամենը կպարզենք zNews-ի հետ միասին։
Գիտակցության կորուստը օրգանիզմի արձագանքն է՝ գլխուղեղին արյան ոչ բավարար մատակարարման։
Մարդը կորցնում է գիտակցությունը, իսկ երբ նա հորիզոնական դիրքում է գտնվում, արյունը սկսում է ավելի ակտիվ գնալ դեպի ուղեղը և նա արագ գիտակցության է գալիս։
Սակայն, եթե նման վիճակը մեկ րոպեից ավել է շարունակվում, ապա անհրաժեշտ է շտապօգնություն կանչել, քանի որ գործ ունենք իսկական ուշագնացության հետ։
Առաջին օգնության ցուցաբերումը ուշագնացության դեպքում
Ինչ անել, եթե մարդը գիտակցությունը կորցրել է մեկ րոպեից ավել․
1. Համոզվել, որ նա շնչում է, սիրտը բաբախում է։ Եթե շնչառություն չկա, պետք է անհապաղ վերակենդանացման միջոցառումներ իրականացնել․ բերանից արհեստական շնչառություն անել և սրտի անուղղակի մերսում։
2. Տուժածը պետք է մեջքի վրա գտնվի հորիզոնական դիրքում, նրան պետք չէ բարձրացնել և նստեցնել։ Այդպես ուղեղին արյունն ավելի արագ կմատակարարվի և արյան շրջանառությունը կկարգավորվի։
3. Թուլացնել օձիքը, փողկապը, գոտին, քանդել կամ անհրաժեշտության դեպքում պատռել քիփ հագուստը, որը խանգարում է արյան շրջանառությանը։
4. Տուժածին ապտակել այտին, բարձր խոսել հետը։
5. Տանը անուշադրի սպիրտի առկայության դեպքում մոտեցնել այն տուժածի քթին։ Ուրիշ ոչ մի դեղամիջոց կիրառել չի կարելի։
Ահա և ամենը, ինչ պետք է անել։ Դրանից հետո սպասում ենք, որ տուժածը ուշքի գա, եթե դա տեղի չի ունենում, շտապ օգնություն ենք կանչում։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
