Սովորաբար պատվաստված մարդիկ նույնպես վարակվում են օմիկրոնով՝ այդ շտամի մի շարք առանձնահատկությունների պատճառով։
Նորվեգացի գիտնականները ներկայացրել են ամենատարածված նշանները, որոնք նկատվել են պատվաստվածների մոտ։
Նրանց նոր հետազոտությունը հրապարակվել է Eurosurveillance-ում։
Գիտնականներն ուսումնասիրել են հիվանդացության բռնկման դեպքը ռեստորանում սուրբծննդյան տոնը նշելուց հետո, որի 100 մասնակցից 81-ի մոտ օմիկրոն է հայտնաբերվել։
Ընդ որում՝ ներկաների մոտ 9 տոկոսը պատվաստված էր, եւ նրանց տվյալների վերլուծությունը հեղինակներին հնարավորություն է տվել պարզել շտամի գլխավոր ախտանշանները լրիվ պատվաստված մարդկանց մոտ։
Այսպես, ամենատարածվածն են եղել հետեւյալ ախտանշանները.
- հազը,
- հարբուխը,
- հոգնածությունը,
- կոկորդի ցավը,
- գլխացավը,
- մկանային ցավերը,
- տենդը,
- փռշտոցը։
Որոշ պացիենտների մոտ նկատվել է նաեւ ախորժակի վատացում, կորել են համն ու հոտը, դժվարացել է շնչառությունը։ Անհամեմատ ավելի քիչ տարածված են եղել որովայնի ցավերը։
Նյութը հրապարակման պատրաստեց Med.News-ը
Կիսվե՛ք Ձեր ընկերների հետ
