zNews-ը ներկայացնում է տղամարդու մտքերն ու դատողությունները կնոջ հետ իր փոխհարաբերությունների, տանը նրա դերի մասին։
Հարևանս եկել էր միասին թեյ խմելու, մենք նստեցինք խոհանոցում և զրուցում էինք կյանքի մասին։
Զրույցի ժամանակ ես կանգնեցի և ասացի. «Հիմա լվանամ սպասքը և գամ»։
Հարևանս նայեց ինձ վրա այնպես, կարծես ես հեռանում էի տիեզերանավ կառուցելու համար։
Զարմացած և ձայնի մեջ հիացմունքով նա ասաց.
«Ես ուրախ եմ, որ դու օգնում ես կնոջդ։ Ես կնոջս չեմ օգնում, որովհետև մի քանի անգամ օգնեցի, իսկ նա ինձ չգովեց։ Անցյալ շաբաթ հատակը լվացի և գովասանքի ոչ մի խոսք»։
Ես վերադարձա տեղս, նստեցի նրա կողքին և բացատրեցի, որ ես չեմ օգնում կնոջս։
Իմ կնոջը օգնական պետք չէ, նրան ընկեր է պետք։
Տանը ես նրա գործընկերն եմ և մեր գործառույթները տարբեր են այդ գործընկերության մեջ, բայց տնային գործեր կատարելը «օգնություն» չէ։
Ես չեմ օգնում կնոջս հավաքել տունը, որովհետև ես էլ եմ այդ տանը ապրում, և ես էլ պետք է այն հավաքեմ։
Ես չեմ օգնում կնոջս պատրաստել, քանի որ ես էլ եմ ուզում ուտել, և ես էլ պետք է պատրաստեմ։
Ես չեմ օգնում աման լվանալիս, քանի որ ես էլ եմ օգտվել այդ ամաններից։
Ես չեմ օգնում կնոջս երեխաների հետ կապված հարցերում, քանի որ դրանք նաև իմ երեխաներն են, իսկ իմ պարտականությունն է նրանց հայրը լինել։
Ես այս տան օգնականը չեմ, ես այս տան մասնիկն եմ։ Իսկ ինչ վերաբերում է գովեստին, ես հարցրեցի իմ զրուցկցին, թե ե՞րբ է նա վերջին անգամ շնորհակալություն հայտնել իր կնոջը, երբ նա տունն է մաքրել, երեխաներին է լողացրել, ճաշ է եփել, լվացք է արել…
Միգուցե ժամանակին քեզ սովորեցրել են, որ այդ ամենը ինքն իրեն է արվում, դե ուրեմն դու էլ գովաբանիր կնոջդ այնպես, ինչ բառերով որ ցանկանում էիր, որ քեզ գովեն։
Օգնիր նրան, եղիր իսկական ընկեր, այլ ոչ թե հյուր, որը տուն է գալիս միայն ուտելու, քնելու, լողանալու և իր կարիքները բավարարելու համար։
Եղիր ինչպես տանը, ինչպես քո տանը։
Հասարակության մեջ իսկական փոփոխությունները սկսվում են մեր տներից։
Սովորեցրեց ձեր երեխաներին ընտանիքում իսկական ընկերության։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
