Որոշ վաղ ախտանիշներ կարող են ցույց տալ, որ մարդը ալկոհոլի պատճառով լյարդի հետ կապված խնդիրներ ունի:
Այս մասին հայտնում են բրիտանական British Liver Trust բարեգործական կազմակերպության մասնագետները։
Ըստ մասնագետների՝ հատուկ ուշադրություն են պահանջում հետեւյալ ախտանիշները.
- որովայնային ցավ,
- հոգնածություն,
- փորլուծություն,
- սրտխառնոց,
- ընդհանուր վատ ինքնազգացողություն։
Լյարդի հետ կապված խնդիրներ ունեցող որոշ պացիենտների մոտ կարող է նաեւ ախորժակի կորուստ առաջանալ:
Մասնագետների կարծիքով՝ լյարդի հետ կապված խնդիրները կարող են խաթարել օրգանիզմի մինչեւ 500 կենսական գործառույթներ։
Այս օրգանը չափազանց կարեւոր է մարդու համար եւ պատասխանատու է տոքսինների չեզոքացման եւ դուրսբերման հարցում։
Սակայն ամեն անգամ, երբ լյարդը զտում է ալկոհոլը, նրա որոշ բջիջներ «մահանում են»:
Ուստի մասնագետները կոչ են արել ընդմիջումներ անել ալկոհոլային խմիչքների օգտագործման միջեւ, քանի որ օրգանիզմին որոշակի ժամանակ է պետք, որպեսզի այն նոր բջիջներ վերարտադրի եւ արտադրի։ Մի քանի օր անընդմեջ խմելու դեպքում լյարդը կարող է լրջորեն տուժել։
Գիտնականների խոսքով՝ երկար տարիներ ալկոհոլի չափից ավելի օգտագործումը նվազեցնում է լյարդի վերարտադրելու ունակությունը: Սա կարող է այս օրգանի լուրջ եւ անշրջելի վնասման պատճառել դառնալ:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
