Հայտնի բուժարար ու ալքիմիկոս Նոստրադամուսի հեղինակած տրակտատում ներկայացված է կոճապղպեղով մի ջեմի բաղադրատոմս, որը նախատեսված է «այն կանանց համար, որոնց սեռական անտարբերությունը թույլ չի տալիս ձեռք բերել կամ բավարարել իրենց սահմանված ախորժակը»:

Հնարավոր է, որ այս ջեմի բուժիչ հատկությունները չափազանցված են ներկայացված և այն չի ազդում որպես աֆրոդիզիզակ, սակայն այն շատ համեղ է և կարող է դառնալ հիանալի նախաճաշ:

Բաղադրությունը`

• 300 մլ մեղր,
• 100 գրամ կոճապղպեղ (արմատ):

Պատրաստման եղանակը`

Կոճապղպեղը բաժանել բարակ շերտերի (անհրաժեշտության դեպքում նաև կեղևազրկել) և մի քանի անգամ լվանալ:

Կտրատված կոճապղպեղը լցնել կաթսայի մեջ, ավելացնել ջուր և եփել 10 րոպե:

Բաղադրատոմսում գրված է, որ 10 րոպե եփելուց հետո եփուկը հարկավոր է քամել և դեն նետել, սակայն այդ եփուկին կարելի ըստ ճաշակի ջուր, մեղր և կիտրոն ավելացնել և ստանալ կոճապղպեղով հիանալի տաքացնող բուժիչ թեյ:

Հարկավոր է ևս մեկ անգամ ջուր լցնել, 10 րոպե եփել և քամել եփուկը, այնուհետև կրկնել այդ պրոցեդուրան ևս մեկ անգամ: Չորրորդ անգաm ջուր լցնելուց հետո կոճապղպեղն անհրաժեշտ է եփել 20 րոպե, այնուհետև դնել այդ կտորներն անձեռոցիկի վրա, չորացնել մինչև առավոտ, իսկ առավոտյան մանր կտրատել:

Հաջորդ առավոտ կոճապղպեղը լցնել հաստ տակով կաթսայի մեջ, ավելացնել մեղրը, փակել կափարիչը և 15 րոպե եփեl թույլ կրակի վրա:

Այս պրոցեդուրան հարկավոր է կրկնել 3 օր շարունակ:

Սեռական գրգռումը բարձրացնելու համար՝ Նոստրադամուսը խորհուրդ էր տալիս օրական մեկ թեյի գդալ կոճապղպեղի ջեմ ուտել:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին