Կրծքավանդակի ճնշող ցավը, որն ի հայտ է գալիս ֆիզիկական ծանրաբեռնվածությունից հետո, կարող է վկայել արյան մեջ խոլեստերինի չափազանց բարձր մակարդակի մասին։
Այս մասին գրում է Daily Express-ը՝ վկայակոչելով Numan սրտաբանական կլինիկայի բժիշկ Լյուկ Փրետսայդսին։
Օրգանիզմում խոլեստերինի բարձր մակարդակն ինքնուրույն հայտնաբերելը գրեթե անհնար է, քանի որ հարկավոր է անպայման արյան հետազոտություն անցնել, սակայն բրիտանացի բժիշկը կարծում է, որ չափազանց բարձր մակարդակի դեպքում խնդիրը կարող է ուղեկցվել կրծքավանդակի ցավերով։
«Խոլեստերինի բարձր մակարդակը նպաստում է արյան հոսքի նվազմանն ու վնասում է սրտամկանին, ուստի եթե կրծքավանդակի ձախ հատվածի ցավը տարածվում է ձախ ձեռքի կամ պարանոցի հատվածում և ուժգնանում է ֆիզիկական ծանրաբեռնվածության դեպքում, ապա հարկավոր է անհապաղ դիմել բժշկական օգնություն ստանալու համար», – նախազգուշացրել է մասնագետը։
Ինչպես ընդգծել է բժիշկը, կրծքավանդակի ճնշող ցավը կարող է վկայել սրտի նոպայի մասին, ինչն էլ կյանքի համար վտանգավոր ախտաբանություն է։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ