Գոյություն ունի, այսպես կոչված, կեղծ հղիություն կամ, ինչպես բնորոշ է բժշկական պրակտիկայում ասել, երևակայական հղիություն, որի ընթացքում նկատվում են բոլոր այն ապրումներն ու զգացումները, ֆիզիկական փոփոխությունները, որոնք լինում են իրական հղիության ժամանակ:
Մեծանում են փորը, կրծքագեղձերը, լինում է դաշտանադադար և, իհարկե, սրտխառնոց:
Իսկ որոշ դեպքերում անգամ հղիության թեստը ցույց է տալիս դրական արդյունք:
Ըստ փորձագետների` սրա պատճառը հիմնականում հոգեբանական խնդիրներն են, երբ կինը շատ է ցանկանում մայրանալ, կամ «մահու չափ» վախենում է հղիանալուց, նաև հորմոնալ խանգարումների, էստրոգեն, պրոլակտի հորմոնների բարձրացման արդյունք է:
Միայն ուլտրաձայնային հետազոտության միջոցով է հնարավոր հայտնաբերել, որ հղիությունը ոչ թե իրական է, այլ՝ «կեղծ»:
Ամերիկայի հիվանդանոցներից մեկում բժիշկները զննելով հղի կնոջը և չնկատելով, որ նրա մոտ կեղծ հղիություն է, պատրաստել են նրան ծննդաբերության:
Սակայն ուլտրաձայնային հետազոտություն անցկացնելու ժամանակ չլսելով երեխայի սրտի բաբախը, եզրահանգման են եկել, որ պտուղը մահացած է և որոշել են կեսարյան հատում կատարեն:
Արդյունքում, վիրահատող բժիշկները հայտնաբերել են, որ կնոջ արգանդը դատարկ է:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ