7 պարզ ախտանշաններ, որոնք պետք է տղամարդկանց ուշադրության կենտրոնում լինեն

Տղամարդիկ հաճախ են իրենց առողջական խնդիրներն անտեսելու հատկությամբ աչքի ընկնում:

Գաղտնիք չէ, որ ցավից բողոքելն այնքան էլ առնական վարք չի համարվում:

Դա թեւրես մեկն է այն պատճառներից, որոնք ուժեղ սեռի ներկայացուցիչների՝ բժիշկների նկատմամբ խուսափողական վերաբերմունքին են հանգեցնում, հիշեցնում է NewsMax Health-ը:

«Ավելի քան 5 տարի բժշկի երես չտեսած չորս մարդկանցից երեքը արական սեռն են ներկայացնում: Տղամարդիկ խուսափողաբար են բժշկին հանդիպում նշանակելու գաղափարին վերաբերվում, քանի որ սիրում են անկախ եւ ինքնաբավ մնալ», – նշել է հոգեթերապեւտ, «Dying to Be Men» գրքի հեղինակ դոկտոր Ուիլ Քորթնին՝ Սան Ֆրանցիսկոյից: Այդպիսի դիրքորոշումն ամենօրյա կյանքում միայն հիացմունքի կարող է արժանանալ, սակայն երբ բանը առողջությանն է հասնում՝ վերջը կարող է վատ լինել:

Ստորեւ 7 պարզ ախտանշաններ ենք ներկայացնում, որոնք, սակայն, երբեք չպետք է տղամարդու ուշադրությունից վրիպեն.

Փորկապություն. տղամարդկանցից շատերն են փորկապության խնդրին լուծողականի օգնությամբ վերջակետ դնում, սակայն հարկ է նշել, որ խնդրո առարկա վիճակը կարող է սննդի մնացորդների՝ աղիներից արտանետմանը խանգարող ուռուցքի հետեւանքը լինել: Այնպես որ, եթե փորկապությունն օրեր է տեւում, հարկավոր է անմիջապես բժշկի օգնությանը դիմել: Կոլորեկտալ քաղցկեղը տղամարդկանց շրջանում մահացության հանգեցնող երրորդ վտանգավոր քաղցկեղային հիվանդությունն է հանդիսանում:

Տարօրինակ տեսքի պեպեններ. մաշկի քաղցկեղը տղամարդկանց եւ կանանց մոտ առավել հաճախ ախտորոշվող քաղցկեղային հիվանդություններից մեկն է: Այնպես որ նոր եւ տարօրինակ տեսքի՝ տձեւ պեպենն ու խալն անմիջապես պետք է բժշկի ուշադրությանը ներկայացվեն:

Ստամոքսի քրոնիկ խանգարում. ժամանակ առ ժամանակ գլուխ բարձրանող այրոցը կարող է անուշադրության արժանանալ, բայց երբ խոսքը քրոնիկ՝ առնվազն շաբաթական երկու անգամ կրկնվող թթվային ռեֆլյուքսի մասին է գնում, երեւույթի հիմքում կարող է ստամոքսա-կերակրափողային ռեֆլյուքսը լինել, ինչը երբեմն բորբոքման, արյունահոսության եւ կերակրափողի խոցի ձեւավորման է հանգեցնում: Որոշ դեպքերում նաեւ կերակրափողի քաղցկեղի առաջացման սպառնալիք է գործում: «Կերակրափողի քաղցկեղը եւս բավականին լայն տարածում ունի, ուստի կարեւոր է, որ պարբերաբար անտացիդ միջոցների օգնությանը դիմող տղամարդն անպայման բժշկական հետազոտության ներկայանա», – խորհուրդ է տվել «The Healthy Heart Miracle» գրքի հեղինակը՝ դոկտոր Գեյբ Միրկինը:

Չհագեցվող ծարավ. սա էլ կարող է շաքարախտի առաջացման մասին վկայել: Այլ ախտանշաններից են հաճախակի միզարձակումը, անկառավարելի քաղցը, քաշի անբացատրելի ավելացումը կամ նվազեցումը, սրտխառնոցը եւ մշուշված տեսողությունը: Դոկտոր Վալտեր Գամանի համոզմամբ, յուրաքանչյուր տղամարդ «տարեկան մեկ անգամ գոնե արյան պարզագույն հետազոտության պետք է ներկայանա՝ գլյուկոզայի մակարդակը չափելու նպատակով»:

Ցավ՝ միզելիս. կանանց մոտ այս ախտանշանը, որպես կանոն, միզասեռական համակարգի ինֆեկցիայի առկայության մասին է վկայում, սակայն տղամարդկանց մոտ դրա պատճառը շագանակագեղձի մեծացումը կամ քաղցկեղը կարող է լինել:

Էրեկտիլ դիսֆունկցիա. ինչպես բոլորովին վերջերս՝ Մայոյի կլինիկայում իրականացված հետազոտությամբ է պարզվել, կյանքի 5–րդ կամ 6-րդ տասնամյակի ընթացքում էրեկտիլ դիսֆունկցիա ունեցած տղամարդկանց, խանգարումից զերծ մնացածների հետ համեմատությամբ, հետագայում սրտի հետ կապված խնդիրների բախվելու շուրջ 50 անգամ բարձր ռիսկ է սպառնում: Ուստի այդպիսի տղամարդիկ պետք է, որքան հնարավոր է՝ շուտ, սրտի բազմակողմանի հետազոտություն անցնեն:

Խռմփոց. ճիշտ է՝ տղամարդու խռմփոցից ավելի շատ կինը կարող է տուժել, բայց երբեմն այն կարող է նաեւ քնի ապնոէի արդյունք լինել, ինչն, ի միջի այլոց, անհամեմատ ավելի հաճախ հենց տղամարդկանց մոտ է գլուխ բարձրացնում: Ուստի դոկտոր Քորթնին հաճակի խռմփացնող տղամարդկանց էլ խորհուրդ է տալիս ժամանակ գտնել՝ բժշկին տեսակցելու համար:

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Ինչպես բուժել մոծակի խայթոցից առաջացած վերքերը
Թեստ հանելուկ․ Կռահեցի՞ք
«Երբեմն բավական է մի քանի անիմաստ բառ արտասանել պատմության մեջ մտնելու համար». Ումբերտո Էկոյի 13 սուր մտքերը
Երբեք չասեք այս արտահայտությունները ձեր տղամարդուն
7 ախտանշան, որոնք հուշում են շատ վտանգավոր խանգարումների մասին
Թեստ․ Մենք ասենք դարձվածքով, դուք՝ մեկ բառով, գնացինք․․․

ԱՄԵՆԱԸՆԹԵՐՑՎԱԾ

Անունների նշանակությունը. ի՞նչ նշանակություն ունի Ձեր անունը
Ի՞նչ է տեղի ունենում մարմնի հետ, երբ սեքսով չեք զբաղվում
Գիտնականները պարզել են, թե ինչն է կանանց հասցնում գերագույն հաճույքի
Տրամաբանական հանելուկ․ Կկարողանա՞ք գուշակել պատասխանը
Ի՞նչ կտրականապես չի կարելի անել սեքսի ժամանակ (Ցուցակ)
ԹԵՍՏ․ Ո՞վ է ամենահարուստ կինը, 99% սխալ պատասխան է տալիս
Ահա թե ինչից է կախված կնոջ սեքսուալությունը
Դուք իրոք գիտուն եք, եթե պատասխանեք 10 հարցից թեկուզ 7-ին
Եթե ձեր հարաբերությունները սկսում են սառչել, ստիպեք ձեր տղամարդուն խանդել այս միջոցներով

ԲԱՑ ՄԻ ԹՈՂԵՔ

Ինչո՞ւ չեք կարողանում ֆլիրտ անել. 3 սխալ, որ թույլ են տալիս շատերը
Թեստ աշխարհագրությունից՝ zNews-ի գիտակների համար
Պատրաստում ենք համեղ լազանյա նրբերշիկով և շամպինիոնով
Ինչպես բուժել մոծակի խայթոցից առաջացած վերքերը
Թեստ հանելուկ․ Կռահեցի՞ք
«Երբեմն բավական է մի քանի անիմաստ բառ արտասանել պատմության մեջ մտնելու համար». Ումբերտո Էկոյի 13 սուր մտքերը
Թեստ․Կարո՞ղ եք պատասխանել թեստի բոլոր հարցերին
Երբեք չասեք այս արտահայտությունները ձեր տղամարդուն
Պատրաստում ենք շատ համեղ վարսակի շիլա չրերով