Ուրոլոգ Կոնստանտին Անտոնովը թվարկել է վտանգավոր հիվանդությունները, որոնք կարող են քողարկվել որպես պրոստատիտ, գրում է solenka.info-ն։

Ինչպես նշել է Atlas կլինիկաների ցանցի ուլտրաձայնային ախտորոշման մասնագետը՝ քրոնիկ պրոստատիտի ախտանիշների տակ կարող են թաքնվել բոլորովին այլ հիվանդություններ, այդ թվում՝ կյանքի համար վտանգ ներկայացնող շագանակագեղձի, միզապարկի կամ ամորձու քաղցկեղ:

Հիվանդությունների ախտանշաններն են՝ ցավը, միզելու հետ կապված խնդիրները, ինչպես նաեւ գիշերային ժամերի հաճախամիզությունը։

«Միզարձակման նյարդաբանական խանգարումներ, շագանակագեղձի ադենոմա, միզաքարային հիվանդություն՝ այս բոլոր հիվանդությունները կարող են նմանատիպ ախտանիշներ ունենալ»,- Անտոնովի խոսքերը մեջբերել է Gazeta.Ru-ն։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ