Ստամոքսի լորձաթաղանթի բորբոքումը կոչվում է գաստրիտ:

Այս հիվանդությունն ի հայտ է գալիս հիմնականում ոչ ճիշտ սննդակարգի, դեղորայքների ազդեցության, սննդային ալերգիայի պատճառով:

Սուր գաստրիտ նաև առաջացնում են ստամոքսի լորձաթաղանթի այրվածքները, ոչ ճիշտ նյութափոխանակությունը:

Սուր գաստրիտն ի հայտ է գալիս լորձաթաղանթի բորբոքումների կամ դրա վնասվածքի տեսքով:

Սուր գաստրիտի նշաններն են՝

1. Փսխում

2. Սրտխառնոց

3. Փորլուծություն

4. Թուլություն

5. Ստամոքսում ծանրության զգացողություն

6. Գլխապտույտ

7. Թքարտադրություն

8. Լեզվի փառ

Սուր գաստրիտի բուժումը

Սուր գաստրիտի ժամանակ անհրաժեշտ է  ճիշտ սնվել: Առաջին օրն անհրաժեշտ է ամբողջովին հրաժարվել սննդից: Խմեք միայն թունդ թեյ: Երկրորդ և երրորդ օրերին թույլատրվում է ուտել բրնձի և մանի շիլաներ, ոչ յուղոտ ապուրներ, ջրիկ ապուրներ և կիսել (кисель): Միայն մեկ օր անց գաստրիտով հիվանդը կարող է վերադառնալ սովորական սննդակարգին:

Սուր գաստրիտի նոպաները կարելի է թեթևացնել, եթե ստամոքսը լվանաք հանքային ջրով կամ սոդայաջրով: Շատ արդյունավետ է նաև ստամոքսի շրջանում տաք կոմպրեսներ դնելը: 2-3 օր անկողնային ռեժիմ պահպանեք:

Ամենակարևորը վատ սովորություններից ազատվելն է: Սննդակարգից բացառեք տապակած ուտելիքները, կծու համեմունքները: Նշված ուտելիքներից հրաժարվելը կարող է կանխարգելել սուր գաստրիտի զարգացումը, ստամոքսի խոցը, քրոնիկ գաստրիտը:

Անհրաժեշտ է ճիշտ սնվել, ինչպես նաև՝ հետևել հիգիենայի կանոններին: Այդ դեպքում պրոֆիլակտիկան լավ արդյունք կապահովի և կնվազեցնի սուր գաստրիտի առաջացման ռիսկը:

Գաստրիտի բուժումը՝  ժողովրդական բժշկության միջոցով

1. Կես կիլոգրամ մեղրը, 10մլ կալանխոէի հյութը, 50մլ 10%-ոց պրոպոլիսի սպիրտային թուրմը թրմեք  ջրի գոլորշու վրա 30 րոպե, անընդհատ խառնեք:  Յուրաքանչյուր խմելուց առաջ թուրմը թափահարեք: Ընդունեք օրական 3 անգամ, 1ճ/գ չափով՝ ուտելուց 1 ժամ առաջ: Անհրաժեշտ է բուժվել 60 օր:

2. Կես կիլոգրամ կարտոֆիլի թարմ հյութը խառնեք 1ճ/գ մեղրով: Օրական 2-3 անգամ խմեք այս խառնուրդը՝ ուտելուց 1 ժամ առաջ: Բուժման կուրսը տևում է 10 օր, ապա դադար տվեք 10 օր, և կրկնեք կուրսը:

3. Սուր գաստրիտի ժամանակ, առավոտյան դատարկ ստամոքսին՝ ուտելուց 30 րոպե առաջ, 2 ձվի հարած սպիտակուց կերեք: Բուժման կուրսը՝ 1 ամիս:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ