Իմաստուն առակ. Կանգ մի՛ առ, գնա՛ առաջ

Like on FB:

Կյանքը անսահամանափակ հնարավորություններ է առաջարկում մեզ, և նրանք, ովքեր կլինեն համարձակ ու նախաձեռնող, կարող են հասնել մեծ ու նշանակալի բարձունքների: Իսկ նրանք, ովքեր ձգտումներ ու նպատակներ չունեն, ամբողջ կյանքում ստիպված կլինեն հավաքել անտառի եզրին թափված ծառի ճյուղերը՝ այդպես էլ չհասնելով այն գանձերին, որոնք գտնվում էին անտառի խորքում:

Շատ տարիներ առաջ հեռու-հեռավոր երկրում մի փայտահատ էր ապրում: Նա գնում էր հարևան անտառ, փայտ կոտրում և տանելով մոտակա քաղաքը՝ վաճառում էր դրանք: Ստացված գումարով, սակայն, նա և նրա ընտանիքը շատ աղքատ էին ապրում:

Մի օր, երբ փայտահատը ճանապարհից քիչ հեռու փայտ էր կոտրում, նրա կողքով անցավ մի ճանապարհորդ: Նա տեսավ փայտահատին և ուտելու բան խնդրեց նրանից: Փայտահատը սիրով կիսեց իր հացը նրա հետ: Երբ ճանապարհորդը վերջացրեց ուտելը, շնորհակալություն հայտնեց և ասաց փայտահատին. «Կանգ մի առ, գնա առաջ»:

Փայտահատը զարմացավ այս խոսքերից. «Ես գիտեմ այս անտառը, արդեն քանի տարի շարունակ այստեղ փայտ եմ կոտրում: Այս անտառում միայն վառելափայտ կա, ինչո՞ւ գնամ առաջ, եթե առջևում միայն նմանատիպ ծառեր են»: Եվ այնուամենայնիվ, փայտահատը որոշեց լսել ճանապարհորդին և առաջ գնալ՝ դեպի անտառի խորքը: Որոշ ժամանակ առաջ գնալով՝ նա մի սանդալենի տեսավ՝ ծառ, որը շատ թանկ էր գնահատվում: Նա կտրեց ծառը և իր հետ վերցնելով այնքան, որքան կարող էր տանել, ճանապարհ ընկավ դեպի քաղաք:

Նա վաճառեց սանդալենու փայտը և մի քանի անգամ ավելի շատ գումար աշխատեց, քան նախկինում, երբ սովորական փայտ էր վաճառում: Հիմա նա մի շաբաթ կարող էր ապահովել իր ընտանիքին:

Հաջորդ անգամ, երբ փայտահատը գնաց անտառ, նա անցավ այն փայտերի կողքով, որ թողել էր մինչև սանդալենին գտնելը և շարունակեց ճանապարհը դեպի անտառի խորքը: Նա հասավ հատված սանդալենու մոտ, և թեև այնտեղ դեռ կային ճյուղեր, որ ինքը կարող էր տանել քաղաք և վաճառել, փայտահատը հիշեց ճանապարհորդի խոսքերը և որոշեց կանգ չառնել ու առաջ գնալ:

Նա անցավ էլի ճանապարհ և հանկարծ պղնձի հանք գտավ: Նա հավաքեց բավականաչափ հանքաքար, տարավ քաղաք և վաճառելով՝ բավականաչափ գումար աշխատեց: Հիմա նա իր սեփական տունն ուներ և երջանիկ ու բարեկեցիկ կյանքով ապրող ընտանիք:

Բայց փայտահատը կրկին որոշեց անտառ գնալ: Նա անցավ հատված փայտերի, սանդալենու ճյուղերի և անգամ պղնձի հանքի մոտով և որոշեց էլի առաջ գնալ: Որոշ ժամանակ անց նա արծաթի հանք գտավ: Հավաքեց այնքան արծաթ, որքան կարող էր տանել և տուն գնաց: Հիմա նա համարվում էր իր քաղաքի ամենահարուստ մարդկանցից մեկը:

Նա կարող էր ունենալ այն ամենը, ինչ որ կուզեր: Նա դարձել էր ավելի երջանիկ ու կենսուրախ, սկսել էր ավելի հաճախ ժպտալ, բայց որոշ ժամանակ անց նա որոշեց նորից ճանապարհ ընկնել:

Նա եկավ անտառ, անցավ հատված փայտերի, սանդալենու ճյուղերի, պղնձի հանքի մոտով, հասավ արծաթե հանքին և հիշեց ճանապարհորդի խոսքերը՝ «Գնա առաջ»: Եվ գնաց առաջ: Անատառի խորքում նա հասավ մի գետի, և երբ կռացավ ջուր խմելու համար, ջրի մեջ մի կտոր ոսկի տեսավ:

Նա լվաց, մաքրեց ոսկին և իր հետ վերցնելով բավականաչափ քանակություն՝ վերադարձավ իր տուն: Հիմա նա հարուստ, հարգված ու հաջողակ մարդ էր համարվում: Բայց շատ ժամանակ չանցած կրկին որոշեց անտառ վերադառնալ:

Նա եկավ անտառ, անցավ հատված փայտերի, սանդալենու ճյուղերի, պղնձի և արծաթի հանքերի մոտով, հասավ այն գետին, որի հատակից ոսկի էր գտել, բայց հիշելով ճանապարհորդի խոսքերը՝ շարունակեց ճանապարհը: Երբ հասավ մի մեծ սարի, նկատեց, որ իր ոտքերի տակ ինչ-որ բան է շողում: Նա կռացավ և շողացող ալմաստ տեսավ: Իր նոր հարստությամբ նա տուն վերադարձավ և դարձավ ողջ քաղաքի ամենահարուստ մարդը: Հիմա նա ապրում էր իր ընտանիքի հետ երջանիկ ու համերաշխ իր մեծ ու գեղեցիկ տանը:

Արդեն նախկին փայտահատը սիրում էր գնալ անտառ, նստել իր կողմից շատ ժամանակ առաջ թողնված փայտե կապոցների մոտ և մտածել իր անցած ճանապարհի մասին: Եվ մի օր նա կրկին տեսավ նույն ճանապարհորդին, որ անցնում էր անտառի ճանապարհով: Նա իր տուն հրավիրեց այն մարդուն, ով իրեն խորհուրդ էր տվել առաջ գնալ: Նրանք միասին ճաշեցին և փայտահատն առաջարկեց ճանապարհորդին իր հարստության կեսը: Բայց ճանապարհորդը, շնորհակալություն հայտնելով հյուրասիրության համար և հրաժարվելով այդ առաջարկից, ասաց փայտահատին՝ Գնա առաջ…

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Թեստ․ Կկարողանա՞ք առանց դժվարության անցնել թեստը
ԹԵՍՏ․ Շատ քչերին է հաջողվում պատասխանել բոլոր հարցերին
Ո՞ր տարիքում են մարդիկ առավել հաճույք ստանում ինտիմ մերձեցումից
Նստատեղի նյարդի բորբոքմանը հրաժեշտ տվեք ընդամենը 10 րոպեում այս բնական միջոցով
Կյանքի ուժը սեռական էներգիայի մեջ է. Ի՞նչ անել և ինչի՞ց սկսել
ԹԵՍՏ. Գիտե՞ք՝ նշված տարբերակներից որ ձևն է ճիշտ
Նշաններ, որ ավելորդ քաշը էստրոգենի բարձր մակարդակի հետևանք է
Այս նշանները վկայում են, որ օրգանիզմին չի բավականացնում կալցիումի մակարդակը
ԹԵՍՏ. Ստուգեք Ձեր հնարամտությունը

Latest

Կատարում Աշխարհի առաջնության «ամենակրքոտ երկրպագուհին» կրկին համարձակ հագուստով է գնացել մարզադաշտ (Photo)
Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց