«Ուրախություն գտեք ինքներդ ձեր մեջ». Բուդդիստ վանականի 8 կանոնները՝ երջանիկ կյանքի համար

Like on FB:

Մեր ժամանակների ամենաազդեցիկ հոգևոր առաջնորդներից մեկը՝ բուդդիստ վանական Թիթ Նաթ Հանը, պատմել է կանոնների մասին, որոնք կօգնեն երջանիկ լինել: 

Ժպտացեք

Եթե ​​ուզում եք ապրել խաղաղության և ուրախության մեջ, սկսեք ամեն օրը ժպիտով: Դա բավարար է դրական ալիքի վրա տրամադրվելու համար:

Դադարեք կլանել նեգատիվը

Շատ հաճախ մենք թույլ ենք տալիս չար խոսքերին, սարսափելի պատկերներին և գրգռիչ ձայներին ներս խուժել մեր ուղեղ և իրենց հետ բերել տխրություն, վախ և անհանգստություն: Ուշադրություն դարձրեք նրան, թե ինչ եք արտաքին աշխարհից ներս թողնում ձեր մեջ:  Ինչո՞ւ դիտել «բոևիկ» և սարսափ ֆիլմեր, եթե դրանք վատթարացնում են ձեր հոգեկան վիճակը:

Իհարկե, դա վերաբերում է ոչ միայն հեռուստատեսությանը: Այնքան շատ գայթակղություններ և թակարդներ կան մեր շուրջը, որոնցից  պետք է զգուշանալ: Պարզապես ավելի տարբերող պետք է լինել: Դուք պետք է գիտակցեք, թե ինչն է վնասում ձեր նյարդային համակարգը, ուղեղը և սիրտը, և, թե ինչն է օգտակար: 

Կենտրոնացեք ներկա պահի վրա

Ճաշելու ընթացքում փորձեք համտեսել ուտելիքի ամեն մի կտորը, այլ ոչ թե՝ շտապելով կուլ տալ: Հաղորդակցման ժամանակ ամբողջությամբ կենտրոնացեք խոսակցության վրա, այլ ոչ թե սավառնեք երկնքում: Պարտեզում զբոսնելիս ուշադիր հետևեք  այն ամենին, ինչը ձեզ շրջապատում է, և վայելեք զգացողությունները, այլ ոչ թե մտածեք ձեր խնդիրների մասին:

Եթե դուք ամեն ինչ անում եք  «ավտոպիլոտի» տակ, ապա կյանքն անցնում է առանց ձեր իսկ մասնակցության: Սովորեք լինել այստեղ և հիմա: Եվ նույնիսկ այնպիսի պարզ գործողություններ, ինչպիսիք են սպասք լվանալը կամ ատամները մաքրելը, Ձեզ ուրախություն կպարգևեն:

Մի շտապեք

Ժամանակակից մարդիկ շատ նպատակասլաց են: Մենք ճշգրիտ գիտենք՝ ուր ենք գնում, և շարժվում ենք ճիշտ ուղղությամբ: Երբեմն դա անհրաժեշտ է, բայց ճանապարհին մենք մոռանում ենք վայելել կյանքը:

Փորձեք գոնե երբեմն գլխից դուրս հանել բոլոր նպատակները և չշտապել: Պարզապես նստեք՝ առանց ինչ-որ բանով զբաղվելու: Մեդիտացիա արեք: Մենք միշտ ինչ-որ տեղ ենք շտապում: Բայց ժամանակ առ ժամանակ պետք է կանգ առնել:

Ուրախություն գտեք ինքներդ ձեր մեջ

Մենք կուրորեն հավատում ենք, որ ուրախություն և անհոգություն կգտնենք, եթե հաջողության հասնենք կամ լուծենք առկա խնդիրները: Սակայն իրականում արտաքին պայմանները նշանակություն չունեն, քանզի երջանկության աղբյուրը հենց մեր մեջ է:

Կառչելով ապագայի նկատմամբ հույսից՝  դուք կորցնում եք այսօր երջանկություն գտնելու հնարավորությունը: Ուղղորդեք ձեր էներգիան այն բանի վրա, որ ավելի լավ հասկանաք ձեզ և ձեր «այսօրը»:

Ժպտացե՛ք, թուլացե՛ք, կատարեք մի քանի խորը շունչ, ձեր մարմնում զգացե՛ք կյանքի ռիթմը: Սովորե՛ք նկատել երջանկության փոքրիկ պահերը, և վայելեք դրանք, երբ դուրս եք գալիս զբոսանքի, լոգանք  ընդունեք, խաղացեք ձեր կենդանու հետ: Սկսե՛ք սերմանել ձեր մեջ սերը, բարությունը, երախտագիտությունը և կարեկցանքը: Այս զգացմունքներից է ծնվում իրական, մաքուր երջանկությունը:

Ըմբռնող եղեք

Եթե դուք որևէ բույս եք ցանել, և այն վատ է աճում, դուք նրան չեք մեղադրում և չեք զայրանում: դուք փորձում եք գտնել պատճառները և մտածում եք՝ ինչպես օգնել նրան: Գուցե պետք է այն պարարտացնել, ջրել և պաշտպանել արևից: Սակայն, եթե  խնդիրներ են առաջանում ընկերների և հարազատների հետ, մենք հենց իրենց ենք մեղադրում: Պետք է սովորել հոգ տանել նրանց մասին, և ամեն ինչ լավ կլինի նրանց հետ:

Մեղադրանքներից, ինչպես նաև մարդուն վեճերի և կշտամբանքի միջոցով համոզելու փորձերից երբեք ոչ մի լավ բան չի ստացվում: Դրանով կարելի է միայն փչացնել հարաբերությունները: Միայն ըմբռնումն ու սերը կարող են իրավիճակին լավ հանգուցալուծում տալ:

Մենք պետք է գիտակցենք, որ մեզ մոտ զայրույթ առաջացնող մարդու մոտ պատճառներ կային այդպես վարվելու: Օրինակ՝ եթե մեզ ինչ-որ մեկը կշտամբում է, հնարավոր է, որ իր ղեկավարն օրվա սկզբին իր հետ նույն տոնով է խոսել, կամ էլ հնարավոր է, որ փոքր ժամանակ նրա վրա իր հարբեցող հայրն է ձայն բարձրացրել: Սա հասկանալով՝ մենք սկսում ենք մեր միջից դուրս հանել նեգատիվը և ուրիշներին կարեկցանքով վերաբերվել:

Սիրեք մենությունը

Ոմանք կարծում են, որ ուրախություն կարելի է միայն զգալ այն մարդկանց շրջապատում, որոնց հետ դուք կարող եք զրուցել, ծիծաղել և զվարճանալ:

Բայց դա այդպես չէ: Ընդհակառակը, եթե դուք միշտ գտնվեք ընկերական շրջապատում, ապա էմոցիաների սպառում կզգաք: Բայց դրա փոխարեն՝ միայնակ մնալով ինքներս մեզ հետ՝ կարգի ենք բերում մեր մտքերն ու զգացմունքները:

Այդ իսկ պատճառով շատ կարևոր է, որ ամեն օր որոշակի ժամանակ հատկացնենք լռության և մենության մեջ գտնվելու համար:

Սա ձեզ ուժ կհաղորդի և կօգնի խորը ներթափանցել ինքներդ ձեր մեջ:

Լավ բանի մասին մտածեք

Մարդիկ հաճախ հարցնում են՝ ի՞նչն է վատ, և սրանով իսկ մեծացնում են իրենց դժգոհությունը: Մտածելով կյանքի բացասական կողմերի մասին, կամ, թե ինչ է մեզ պակասում՝ մենք ջրում ենք տառապանքների, զայրույթի և հիասթափության սերմերը:

Մենք շատ ավելի երջանիկ կլինեինք, եթե սովորեինք հարցնել՝  ի՞նչն է լավ:

Մտածեք այն լավ բաների մասին, ինչն  ունեք: Եթե ձեզ հետ ոչ մի վատ բան տեղի չի ունեցել, դա նույնպես ուրախության առիթ է: Ձեր գլուխը չի՞ ցավում, դուք այսօր ձեր աշխատանքը չե՞ք կորցրել և ոչ ոքի հետ չե՞ք վիճել, դուք ստիպված չե՞ք լինում սոված մնալ կամ դրսում գիշերել:

Դուք երջանիկ մարդ եք:

«Խաղաղություն ամեն քայլում» («Мир в каждом шаге») և «Լռություն» («Тишина») գրքերում առկա նյութերի համաձայն:

Նյութը հրապարակման պատրաստեց zNews

Կիսվե՛ք Ձեր ընկերների հետ

Popular

Թեստ․ Կկարողանա՞ք առանց դժվարության անցնել թեստը
ԹԵՍՏ․ Շատ քչերին է հաջողվում պատասխանել բոլոր հարցերին
Ո՞ր տարիքում են մարդիկ առավել հաճույք ստանում ինտիմ մերձեցումից
Նստատեղի նյարդի բորբոքմանը հրաժեշտ տվեք ընդամենը 10 րոպեում այս բնական միջոցով
Կյանքի ուժը սեռական էներգիայի մեջ է. Ի՞նչ անել և ինչի՞ց սկսել
ԹԵՍՏ. Գիտե՞ք՝ նշված տարբերակներից որ ձևն է ճիշտ
Նշաններ, որ ավելորդ քաշը էստրոգենի բարձր մակարդակի հետևանք է
Այս նշանները վկայում են, որ օրգանիզմին չի բավականացնում կալցիումի մակարդակը
ԹԵՍՏ. Ստուգեք Ձեր հնարամտությունը

Latest

Կատարում Աշխարհի առաջնության «ամենակրքոտ երկրպագուհին» կրկին համարձակ հագուստով է գնացել մարզադաշտ (Photo)
Քսենիա Սոբչակը ռեպորտաժ է նկարահանել ՀՀ-ում տիրող իրավիճակի մասին (Video)
5 գործոն, որոնք բարձրացնում են գլխուղեղի կաթվածի հավանականությունը
Թեստ հանելուկ․ Գուշակեցի՞ք, թե որ համեմունքն էր
Ի՞նչ է հաստ աղիքի պոլիպն ու որ դեպքերում է այն վտանգավոր
Սուպեր Սաքոն նշանվել է. Ո՞վ է ռեփերի սիրելին (Photo, Video)
Ինչի՞ց են վախենում կանայք…
Ի՞նչ է տեղի ունենում օրգանիզմի հետ համբույրի ժամանակ
Փորի ճարպից ազատվելու էֆեկտիվ եղանակ` ընդամենը 1 օրում. 100% աշխատող միջոց