Արյան վիճակից կախված է մարդու բոլոր օրգանների աշխատանքի որակը:

Խիտ արյան պատճառները կարող են տարբեր լինել, մի բան է կարևոր՝ այդպիսի արյունը չի կարող կատարել իր գլխավոր գործառույթը՝ տրանսպորտային:

Արյան բջիջները դրան խտություն են տալիս, իսկ պլազման դրա հեղուկ բաղադրիչն է:

Եթե արյան բջիջների քանակը գերազանցում է պլազմայի պարունակությանը, արյան ամրությունը և խտությունն ավելանում են:

Մեծ խտության պատճառով արյան ոչ բոլոր բջիջները կարող են նորմալ կատարել իրենց գործառույթը:

Նշանակում է՝ օրգանները լիարժեք չեն ստանա սննդանյութերը, իսկ քայքայված մթերքներն ամբողջովին դուրս չեն գալիս:

Բացի դրանից՝ չափազանց խիտ զանգված շրջանառելու համար սիրտը պետք է ուժերից վեր աշխատի:

Ինչպես ջրիկացնել խիտ արյունը

Անոթներում արյան լճացման և դրանց անցանելիության բարելավման համար արյունն անհրաժեշտ է ջրիկացնել:

Արյան ընդհանուր հետազոտություն անցնելուց և արյան բարձր մածուցիկության համախտանիշի աստիճանը որոշելուց հետո բժիշկը կնշի վիճակի կարգավորման համար անհրաժեշտ միջոցառումները:

Եթե պարզվել է, որ արյան խտությունը նորմայից բարձր է՝ անկախ պատճառներից՝ պետք է անմիջապես վերանայել սննդակարգը:

Հրաժարվիր տապակած և յուղոտ ուտեստներից, պահածոներից, մարինադներից, քաղցրավենիքներից, ապխտած մթերքներից…

Նաև պետք է սննդակարգից բացառել հնդկացորենը, կարտոֆիլը, բանանը, ալկոհոլային և ոչ գազավորված ըմպելիքները:

Պարտադիր սննդակարգումդ ներառիր անյուղ կաթնաթթվային մթերքներ և ավելի շատ հեղուկ խմիր:

Նաև շատ մթերքներ կան, որոնք նպաստում են արյան ջրիկացմանը:

Դրանցից են՝ նարինջը, նուռը, թուզը, ազնվամորին, սխտորը, բազուկը, ելակը, կոճապղպեղը, կիտրոնը, արևածաղկի սերմերը, կակաոն:

Ասպիրինն արյան ջրիկացման, անոթների անցանելիության լավացման և սրտի հիվանդությունների կանխարգելման ամենատարածված, արդյունավետ և անվտանգ դեղամիջոցներից է:

Ժողովրդական բժշկության մեջ փրփրուկի (таволга) թուրմ են օգտագործում, որը կարող է ասպիրինի լիարժեք փոխարինիչ լինել:

• 1 ճ. գ. բույսը եփիր 1 բաժակ ջրով, թող կես ժամ թրմվի:
• Քամիր և խմիր որպես թեյ օրը 2-3 անգամ:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին