Հայտնի «Անծանոթուհին» դիմանկարի պատմությունը. ո՞վ է այնտեղ պատկերված և ինչո՞ւ չի կարելի այն տանը պահել

Ռուս գեղանկարիչ Իվան Կրամսկոյը երկար կյանք չի ունեցել:

Նա վախճանվել է բժիշկ Ռաուհֆուզի դիմանկարն անելու ընթացքում. հանկարծակիորեն խոնարհվել է ցած ու ընկել: Իվան Կրամսկոյն այդ ժամանակ 49 տարեկան էր:

Չնայած երիտասարդ տարիքին, նա հասցրել էր նկարել հայտնի ռուս գրողների, գիտնականների, նկարիչների և հասարակական գործիչների դիմանկարները։ Այդ ամենից զատ Կրամսկոյին ճանաչում բերեց նրա «Անծանոթուհին»։ Այս աշխատանքը դեռ հեղինակի կենդանության օրոք տարատեսակ խոսակցությունների տեղիք էր տվել:

Բոլորին հետաքրքրում էր, թե ով էր նկարում պատկերված կինը:

Կրամսկոյն իր «Անծանոթուհին» նկարել է 1883 թ., կտավն այժմ ցուցադրվում է Տրետյակովյան պատկերասրահում:

Նկարի սյուժեն այսպիսին է. երիտասարդ կինը գտնվում է Սանկտ Պետերբուրգի Նևսկի պողոտայում՝ Անիչկովի պալատի ֆոնին: Նրա հետևում՝ աջ կողմում, երևում է Ալեքսանդրինսկի թատրոնը: Կնոջ հագուստը 1880-ականների նորաձևությանն է համապատասխանում՝ «Ֆրանցիսկ» թավշյա գլխարկ՝ ջայլամի փետուրով, մուգ թավշից «Սկոբելև» բաճկոն, ձեռնոցներ՝ պատրաստված շվեդական նուրբ կաշվից: Նման նորաձև հագուկապը չափազանց գրավիչ ու անգամ անպարկեշտ էր դիտվում այդ ժամանակներում: Արիստոկրատիան աստիճանաբար մարել էր ու այլևս չէր կարողանում թույլ տալ իրենց հետևել նորաձևության վերջին ճիչերին: Ընդհակառակը, բարձր խավում ընդունված էր հնարավորին չափ հեռու մնալ նորաձևությունից: Ընդգծված նորաձևություն իրենց կարող էին թույլ տալ միայն կուրտիզանուհիներն ու սիրուհիները: Բնորդուհին անհայտ է։ Հեղինակը ո՛չ իր նամակներում, ո՛չ էլ հուշերում տեղեկություն չի թողել բնորդուհու մասին։

Հանդիսատեսին «Անծանոթուհուն» ներկայացնելուց առաջ նկարիչը՝ Իվան Կրամսկոյը, չափազանց լարված ու հուզված էր: Անգամ դուրս էր եկել ցուցասրահից, և երբ վերադարձել էր, հանդիպել էր խանդավառ ամբոխի: Կրամսկոյին մարդիկ ձեռքերի վրա բարձրացրին, և յուրաքանչյուրը փորձում էր հասկանալ՝ ո՞վ է պատկերված կտավում:

Գեղանկարչի խորհրդավոր լռությունը մի շարք լեգենդների ստեղծման հիմք դարձավ: Համաձայն վարկածներից մեկի՝ նկարի գեղեցկուհին Լեւ Տոլստոյի «Աննա Կարենինայի» գլխավոր հերոսուհին է՝ Աննա Կարենինան, ոմանց համոզմամբ էլ՝ Դոստոեւսկու «Ապուշի» Նաստասյա Ֆիլիպովնան:

Ասում են նաև, որ Կրամսկոյը «Անծանոթուհու» կերպարի համար ընտրել է իր դստերը՝ Սոֆյային: Տեսություններից մեկն էլ ասում է, թե կինը Եկատերինա Դոլգորուկովան է՝ Ալեքսանդր II-ի սիրուհին, ումից կայսրը չորս երեխա է ունեցել:

Եկատերինա Դոլգորուկովա

Մեկ այլ վարկածի համաձայն՝ Կուրսկ նահանգի Ֆատեժյան վարչական շրջանում գտնվում էր ազնվականուհի Բեստուժևայի կալվածքը: Տիրուհու զարմիկը, ով զինվորական էր, դուրս էր եկել աշխատանքից և Կովկասից վերադառնում էր Սանկտ-Պետերբուրգ` մորաքրոջը տեսակցության: Երիտասարդ Բեստուժևը հիացել էր ծառայի անսովոր գեղեցկությամբ և թովչանքով: Այդ պատճառով նա որոշ ժամանակ մնում է գյուղում: Ստանալով աղջկա համաձայնությունը` զարմիկը դիմում է մորաքրոջը, որ նա աղջկան ազատ արձակի և տանելով Սանկտ-Պետերբուրգ` ծանոթացնի ծնողների հետ: Սանկտ-Պետերբուրգում աղջիկը դուր է գալիս տղայի հարազատներին և նրան սկսում են սովորեցնել էթիկայի կանոնները, պարել, պարզվում է, որ նա նաև հաճելի ձայն ունի, դրանից բացի սկսում են սովորեցնել հասարակ քերականություն:

Իվան Կրամսկոյը, ով ընտանիքի բարեկամն էր, հաճախ էր լինում նրանց տանը: Գեղեցկուհին անկասկած չէր կարող չհետաքրքրել Կրամսկոյին` որպես գեղանկարչի: Մի անգամ Կրամսկոյը տեսնում է աղջկան ջղաձգված և կատաղությունից շառագունած և որոշում է նկարում ցույց տալ աղջկա ոչ միայն արտաքին գեղեցկությունը, այլև հուզական ներաշխարհը:
Բազմաթիվ վեճերից հետո, որոնք տեղի էին ունենում խանդի հողի վրա, երիտասարդները բաժանվում են և աղջիկը վերադառնում է հարազատ գյուղ: Ճանապարհին նա ծանր հիվանդանում է և մահանում տեղի հիվանդանոցում: Լսելով դաժան լուրը` նկարիչը օգտվելով այն էսքիզներից, որոնք արել էր Մատրյոնա Սավվիշնայի կենդանության օրոք, ստեղծում է «Անծանոթուհին» դիմանկարը:

Հիպոթեզներից ոչ մեկը ապացուցման չի ենթարկվել: Կրամսկոյը չի թողել ոչ մի գրություն կամ նամակ, որում հստակորեն նշված է մուսայի անունը:

Շատ վարկածներ կան նկարի հետ կապված. ասում են` այն ընտանիքները, որոնք խնամքով երկար տարիներ իրենց տան սենյակներից մեկում «պահում-փայփայում են» «Անծանոթուհուն», հանդիպում են դժբախտության: Խորհրդավոր հայացքով բնորդուհին կարծես հսկում է անհատի ցանկացած քայլը, հետևում նրան` դառնալով նրա կերպարի անբաժանելի մաս: Ասում են` այս անծանոթուհին անհաջողություն է բերում…

Նյութը հրապարակման պատրաստեց zNews

Կիսվե՛ք Ձեր ընկերների հետ

ՆՄԱՆԱՏԻՊ ՆՅՈՒԹԵՐ

Ո՞րն է ամենավտանգավոր արյան խումբը
«Հիմարին խորհուրդներ տալն անօգուտ է. դա միայն նրան զայրացնում է». Հնդկական իմաստուն արտահայտություններ
Պահպանեք այս տեքստը և վերընթերցեք ամեն անգամ, երբ խեղդվում եք բացասական մտքերից
«Կարելի է դուրս բերել մարդուն կեղտից, բայց կեղտը նրա միջից՝ երբեք». Ալ Պաչինոյի լավագույն մտքերը
«Սիրուն կնգա ծոցը պառկի, բայց գեշ կնգա ձեռի հացը կեր». հին հայկական ժողովրդական 25 մտքեր
7 «չի կարելի» ընտանեկան կյանքում

ԱՄԵՆԱԸՆԹԵՐՑՎԱԾ

Այս լուսանկարում կոպիտ սխալ կա, բայց ոչ ոք չի կարողանում այն նկատել
ԹԵՍՏ. Կգտնե՞ք արդյոք այս բառերի հայերեն տարբերակը
Գլուխկոտրուկ․ Քանի՞ ավանակ կարող եք հաշվել այս նկարում
ԹԵՍՏ. Կկարողանա՞ք գտնել այս բառերի հոմանիշը
Թեստ․ Գտի՛ր բառի նշանակությունը
Բազմագիտության թեստ․ Կկարողանա՞ք տալ թեկուզ 7 ճիշտ պատասխան
Թեստ հանելուկ․ Դե ասեք՝ ի՞նչն է…
Ոչ ակնհայտ ախտանշաններ, որոնք հուշում են լյարդի ցիռոզի մասին
Մաթեմատիկական խնդիր, որը վեճ է առաջացրել համացանցի օգտատերերի շրջանում

ԲԱՑ ՄԻ ԹՈՂԵՔ

Լավագույն բնական միջոցները փորափքանքից ազատվելու համար․ 4 բաղադրատոմս
Իսկ դուք կկարողանա՞ք գտնել 9 թիվը, ես հազիվ գտա․․․
Արդյունավետ ժողովրդական դեղամիջոց, որը կօգնի հեշտությամբ ազատվել հազից
Թեստ․ Գտի՛ր բառի նշանակությունը
Փորձագետները որոշել են, թե օրական որքան ջուր է պետք խմել
Ո՞րն է ամենավտանգավոր արյան խումբը
Ֆուչիկի փողոցի «ճակատամարտը». բացառիկ կադրեր (Video)
Բժիշկները պատմել են կոկոսի յուղի օգտակար հատկությունների մասին
Ահա թե ով է ձեռք բերել «00 DD 000» համարանիշը (Photo)