Հաջողված լուսանկարները հավերժ հիշատակ են։

Եվ եթե հաջող նկար ստանալու համար դուք հազար ու մի կադր եք անում, ապա zNews-ը ձեզ պատրաստ է ուրախացնել. արհեստավարժ լուսանկարչի խորհուրդները կօգնեն ձեզ երաշխավորված լավ կադրեր ստանալ։

Պետք է ազատ լինեք ֆոտոխցիկի առջև

Առաջին անգամ ֆոտոսեսիայի եկած մարդիկ հաճախ անհարմար են զգում։

Ընտրեք այնպիսի լուսանկարչի, որի հետ ձեզ լավ կզգաք։

Շփվեք նրա հետ նկարահանումից առաջ, պատմեք նրան, թե ինչ նկարներ եք ցանկանում ստանալ, ինչից եք վախենում։

Ինչպես թաքցնել կազմվածքի թերությունները

• Մեջքն ուղիղ պահեք և ուղղեք ուսերը։

• Հետևեք ոտքի թաթերին՝ ձգեք թաթը. դա վիզուալ կերկարացնի ոտքը։

• Իրանը պետք է ուղղված լինի դեպի տեսախցիկը, ձեռքերը սեղմված չլինեն, որպեսզի գոտկատեղը տեսանելի լինի։

• Որպեսզի ոտքերն ավելի երկար երևան, դրանք կողքի վրա թեքեք։

• Ծովափնյա ֆոտոսեսիայի համար ամբողջական լողազգեստ հագեք։ Դա ավելի ձիգ ձույց կտա ձեր մարմինը։

Ինչ անել ձեռքերի հետ

• Աշխատեք դաստակները կողքով պահել դեպի խցիկը, բայց ոչ մի դեպքում դրանք մի լարեք։

• Մի ձեռքը կարելի է դնել գոտկատեղին, մյուսը ներքև իջեցնել, ոտքի առաջ։

• Կարելի է ձեռքերը խաչել կրծքի վրա։ Բայց նկատի ունեցեք, որ երկու դաստակներն էլ պետք է երևան և ուղղված լինեն դեպի խցիկը կողքով։

• Լավ է նայվում, եթե գրպաններում դնեք միայն բութ մատները։

• Դեմքի մոտ ճիշտ դրված ձեռքերը գեղեցիկ և արտասովոր նկարի գրավականն են։

Ինչ անել ոտքերի հետ

• Ոտքերը թաթերի վրա դրեք, դա ոչ միայն երկարեցնում, այլև ավելի նրբագեղ է դարձնում ոտքը։

• Ծնկները մի ուղղեք դեպի խցիկը, հակառակ դեպքում 2-3 կիլոգրա կավելացնեք ձեր ոտքերին։

• Աշխատեք փոխել դիրքը, շարժվել, որպեսզի ավելի շատ հաջող կադրեր ստանաք։

• Ուշադիր եղեք ոտքի մատների նկատմամբ։ Դրանք մի ցցեք դեպի վերև և ոչ էլ չափից դուրս ներքև իջեցրեք։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին