Իրական օրգազմի ընթացքում կնոջ մարմինը սովորաբար դրսևորում է ակամա ֆիզիոլոգիական ռեակցիաներ․
Շնչառության և սրտի ռիթմի փոփոխություն
Շնչառությունը դառնում է հաճախակի, անկանոն և մակերեսային, ինչպես նաև լինում է հաճախասրտություն։
Մաշկի կարմրություն և քրտնարտադրություն
Սեքսուալ գրգռման ընթացքում ակտիվանում է արյան շրջանառությունը, ինչի հետևանքով մաշկը կարմրում է, իսկ քրտնարտադրությունը կարող է ուժեղանալ։
Միմիկական փոփոխություններ
Կինը չի փորձում «ճիշտ» կամ «գեղեցիկ» երևալ, այլ բնական կերպով արտահայտում է իր զգացողությունները։
Մկանային լարվածություն
Օրգազմի պահին կարող է նկատվել ամբողջ մարմնի մկանային լարվածություն, դող կամ ակամա ցնցումներ։
Հեշտոցի և կոնքի հատակի մկանների կծկումներ
Առաջանում են ակամա ռիթմիկ կծկումներ, որոնք հանդիսանում են օրգազմի ֆիզիոլոգիական ամենատարածված նշաններից մեկը։
Իհարկե, յուրաքանչյուր կին յուրովի է ապրում այդ զգացողությունները, և բոլոր նշանները պարտադիր չէ, որ լինեն միաժամանակ։
Սակայն կան որոշ նշաններ, որոնք կարող են խոսել օրգազմի իմիտացիայի մասին․
- չափազանց թատերական արձագանքներ,
- շնչառության և սրտի աշխատանքի գրեթե անփոփոխ վիճակ,
- մարմնի լիարժեք թուլացած մնալը նույնիսկ «կուլմինացիայի» պահին,
- արհեստական կամ միօրինակ ձայներ,
- ավելի շատ կենտրոնացում արտաքինից «իդեալական» երևալու վրա, քան սեփական զգացողությունների։
Ամենակարևորը այնպիսի ԶՈւՅԳԱՅԻՆ հարաբերություն ստեղծելն է, որտեղ զույգերից յուրաքանչյուրը կլինի լսված, հասկացված, և խնդիրները կբարձրաձայնի՝ առանց մտածելու, որ սխալ կընկալվի:
Օրգազմի բացակայությունը կամ դժվարությունը խնդիր է, որը պահանջում է սեքսոլոգիական բուժում:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
