Ու կան նորաձևության դեմքեր, ովքեր մինչ օրս նորաձևության իրենց կանոններն են թելադրում։

Իվ Սեն Լորանը հենց այդ դեմքերից մեկն էր, ով վստահ էր, որ կնոջը նորաձև լինելու համար ուղղակի պետք է լինել սիրված ու գտնել սեփական ոճը պարզության մեջ։

zNews-ը առաջարկում է ծանոթանալ նրա ամենահայտնի 14 մտքերին, որ կբացահայտեն կնոջն ու կօգնեն միշտ նորաձև լինել։

1. Առանց հոգու շքեղության չի լինում ոչ մի այլ շքեղություն:

2. Սեփական ոճն ինքնավստահություն է ներշնչում:

3. Գեղեցիկ լինելու համար կնոջը բավական է կրել սև սվիտեր, սև շրջազգեստ և իր սիրելի տղամարդու հետ ձեռք ձեռքի քայլել:

4. Ամենագեղեցիկ հագուստը, որը կինը կարող է կրել, սիրելի տղամարդու գրկախառնություններն են, բայց բոլոր այն կանայք, որոնք զուրկ են այդ երջանկությունից, շտապում եմ հայտնել, որ ես այստեղ եմ:

5. Տարիների փորձը սովորեցրեց ինձ, որ զգեստի մեջ միակ կարևոր դետալը կինն է, որը կրում է այն:

6. Կնոջ ամենագեղեցիկ դիմահարդարումը կիրքն է, սակայն կոսմետիկա գնելն ավելի հեշտ է:

7. Երբ դու քեզ հագուստի մեջ լավ ես զգում, ամեն ինչ հնարավոր է թվում. լավ հագուստը երջանկության բանալին է:

8. Շանելը ազատություն շնորհեց կանանց, իսկ ես հզորացրի նրանց:

9. Ես կցանկանայի ինքս հայտնագործել կապույտ ջինսը: Դրանք պարզ են, ժամանակակից, սեքսուալ և միևնույն ժամանակ հասարակ. սրանք այն հատկանիշներն են, որոնք կուզենայի, որ հագուստս իր մեջ ունենար:

10. Այլևս ոչ մի կանոն չկա, նորաձևությունն ազատ է: Ես սիրում եմ համադրել վինտաժային հագուստը ջինսի հետ:

11. Զգեստապահարանն ապրելակերպ է:

12. Շքեղ կարող է կոչվել միայն այն զգեստը, որը երկրորդ անգամ չես կարող կրել:

13. Նույնիսկ ամենանրբագեղ հագուստը մի կաթիլ օծանելիքի կարիք ունի: Միայն օծանելիքը կարող է հագուստին ամբողջական և կատարյալ տեսք, իսկ ձեզ՝ հմայք հաղորդել:

14. Ֆիզիկապես ինձ վատ եմ զգում, երբ տեսնում եմ, թե ինչքան խղճուկ կարող է լինել նորաձևության զոհ դարձած կինը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ