Թե ինչ վիտամինների կարիք ունի օրգանիզմը, կարելի է պարզել՝ վերլուծելով արյան անալիզը:

Տարին առնվազն մեկ անգամ անհրաժեշտ է արյուն հանձնել վիտամինների բոլոր խմբերի համար:

Այս մասին «Պրայմ» գործակալությանը հայտնել է սննդաբան, բժշկական գիտությունների թեկնածու, Եվրոպական բժշկական կենտրոնի (EMC) դիետոլոգիական ուղղության ղեկավար Քսենիա Սելեզնյովան։

«Օրինակ, անալիզը ցույց կտա, որ օրգանիզմն ապահովված է վիտամինների մեծ մասով, բայց կա մեկ-երկուսի պակաս: Սա նշանակում է, որ անհրաժեշտ է ընդունել այդ երկուսը, և ոչ թե կանխարգելիչ, այլ բարձր թերապևտիկ դեղաչափ, որն ավելի բարձր է, քան օրական նորմը: Հետևաբար, ավելի խելամիտ է ընդունել ոչ թե ամբողջ վիտամինային և հանքային համալիրը, այլ միայն հատուկ վիտամիններ, որոնք պակասում են մարդուն», – շեշտում է մասնագետը:

Սելեզնյովան նշում է, որ երկար ժամանակ պակասը կարող է ոչ մի կերպ չդրսևորվել. մարդը կարող է չունենալ հատուկ ախտանշաններ, որոնք կստիպեն մտածել որոշակի վիտամինի պակասի մասին:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին