Հուղարկավորության ժամանակ ներկաները նկատել են, որ «մահացած» տղամարդը շնչում է:
Դեպքը տեղի է ունեցել հուլիսի վերջին՝ Լիբանանի հյուսիսում գտնվող Հերմել քաղաքում, հաղորդում է Daily Star պարբերականը:
Տեսանյութում երևում են դագաղի շուրջ հավաքված հարազատները, որոնք վերջին հրաժեշտն էին տալիս տղամարդուն, նախքան դագաղը գերեզմանատուն տանելը:
Սակայն արարողության ժամանակ նրանք նկատում են, որ «հանգուցյալը» շարժվում է:
Նրան սկսում են սիրտ-թոքային վերակենդանացում անել: Այնուհետև տղամարդուն տեղափոխում են հիվանդանոց՝ հետազոտության:
Ավելի ուշ բժիշկները հաստատել են, որ տղամարդը ողջ է, սակայն չեն կարողացել բացատրել, թե ինչպես կամ ինչու է նա գրանցվել՝ որպես մահացած:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին
