Հաղորդավարուհի Դինա Ակոպովնան 2-րդ անգամ անգամ կվիրահատվի:
Այս մասին տեղեկանում ենք Դինայի ֆեյսբուքյան էջից:
Նա տեսանյութ է հրապարակել, որին կից գրել է.
«Փաստորեն մոտեցավ ժամանակը..
Անչափ շնորհակալ եմ ինձ թևեր տվողներին, անհանգստացողներին …
Ու մի բան էլ …… »:
Տեսանյութում Դինան նշում է, որ հոգեբանորեն պատրաստ է վիրահատության և շնորհակալություն է հայտնում բոլոր այն մարդկանց, ովքեր իր կողիքն են ու իրեն լավ խոսքեր են գրում:
«Էն դիշովի դեմքերը, ովքեր վերացան իմ կողքից, ովքեր դեռ շարունակում են վատ քոմենթներ գրել, Աստված վերևը կա»,- նշում է հաղորդավարուհին:
Հիշեցնենք, որ Դինան նախորդ տարի ենթարկվել էր ոտքի բավական բարդ վիրահատության: Վերջերս նա իր հարցազրույցներից մեկում անկեղծ խոստովանել էր, որ խոսքը բավական թանկ վիրահատության մասին էր:
Դրա համար էլ դուստրը՝ Իննան, որոշել էր դրամահավաք կազմակերպել: Դինայի խոսքով՝ այդ շրջանում բավական բարդ էր իր համար նաև հոգեբանական տեսանկյունից, քանի որ իր մտերիմ ընկերները հրաժարվել էին վարկ վերցնել իր անունով, որպեսզի ինքը կարողանար հոգալ վիրահատության ծախսերը:
Հաղորդավարուհին եթերում արտասվելով պատմել է, որ կային մարդիկ, ովքեր մտածում էին, որ դա խաբեություն է, որ ինքն այդ տարբերակով պարզապես փորձում է մարդկանցից գումար շորթել: Դինան վստահեցրել էր նաև, որ 2-րդ վիրահատության համար որևէ մեկի օգնությանն այլևս չի դիմելու:
Աղբյուր՝ Armlady
