Որոշ դեպքերում մարդուն կարող է անհանգստացնել թևատակերի ցավը կամ տհաճ զգացողությունը:
Հաճախ այս ախտանիշերը վտանգավոր չեն, սակայն պետք է բոլոր հնարավոր տարբերակները հաշվի առնել:
Ներկայացնում ենք թևատակերի ցավի առավել հաճախ հանդիպող պատճառները:
1. Լիմֆատիկ հանգույցների մեծացում
Սա կապված է իմունաբորբոքային ռեակցիայի հետ՝ ի պատասխան օրգանիզմում վարակի հարուցիչի:
Բորբոքման հիմնական նշաններն են՝ այտուց, ցավ, կարմրություն, տեղային ջերմաստիճանի բարձրացում:
2. Այրոց
Կարող է արտահայտվել ցավով ձախ թևատակի հատվածում: Դա այրոցի զգացում է:
Հաճախ այս ախտանիշն առաջանում է ուտելուց հետո, նաև պառկած վիճակում:
3. Մկանային մանրաթելերի ձգում կամ կտրում
Ծանր բեռ կտրուկ բարձրացնելը կամ սպորտով ինտենսիվ զբաղվելը կարող է հանգեցնել թևատակի հատվածի ցավի:
Ցավի առաջացման դեպքում պետք է դադարեցնել ֆիզիկական ծանրաբեռնվածությունը և բժշկի դիմել:
4. Մազերի հեռացում
Բութ ածելու օգտագործումը հանգեցնում է մազերի ֆոլիկուլների բորբոքման, ինչն ուղեկցվում է շատ տհաճ զգացողություններով թևատակի հատվածում:
Սխալ մազահանությունը նաև մեծացնում է դրանց ներաճելու ռիսկը, ինչը նույնպես կարող է ցավ առաջացնել:
