«Միսս Հայաստան», «Վիցե միսս Եվրոպա 2005» գեղեցկուհի Լուսինե Թովմասյանը ինստագրամի իր էջում հաճախ է հետևորդների հետ հարց ու պատասխան կազմակերպում։

Այս անգամ հետևորդներից մեկի այն հարցին՝ արդյո՞ք Լուսինեն կցանկանա էլի երեխա ունենալ, գեղեցկուհին պատասխանել է․

«Ես ինքս ինձ անընդհատ այս հարցը տալիս եմ և կարծում եմ, որ կորոնավիրուսի ժամանակ ես ընդհանրապես պատրաստ չեմ հղիանալու»։

Հիշեցնենք, որ վերջերս Լուսինեն ինստագրամյան իր էջում լուսանկար էր հրապարակել՝ կից գրառում անելով մայրանալու մասին․

«Իմ առաջին երեխային լույս աշխարհ եմ բերել 28, իսկ երկրորդին ՝ 33 տարեկանում։

Ծնելիության ներկա վիճակագրությունը ասում է, որ ես ծննդաբերել եմ բալիկ ունենալու ամենատարածված տարիքում:

Անկեղծ ասած ՝ ծննդաբերելու ամենահայտնի տարիքի վիճակագրության մասին հստակ ոչինչ չգիտեմ, բայց այն, որ որևէ բան արագացնելու կամ ժամանակը հետ տալու ցանկություն չունեմ, փաստ է։

Ինձ ամեն ինչ դուր է գալիս այնպես, ինչպես կա հիմա »:

 Աղբյուր` Armlady.am