The Daily Mail- ը ներկայացրել է այն սննդամթերքների ցանկը, որոնք օգնում են ազատվել ճարպակալումից:

Դրանք են ՝ կոկոսի քացախը, դարչինը, քրքումով կաթը, նուռը, լամինարիան (ծովակաղամբ) և օշինդրի թեյը:

Այս բոլոր սննդամթերքները բավականին ակտիվ օգտագործվում են Հարավ-Արևելյան Ասիայի խոհանոցներում:

Դրանք պարունակում են բավականին քիչ ածխաջրեր և կալորիաններ:

Օրինակ կոկոսի քացախը պարունակում է մեծ քանակությամբ օգտակար նյութեր (հատկապես կալիում), որոնք օգնում են վերահսկել շաքարի չափը օրգանիզմում և արագացնել նյութափոխանակությունը:

Առհասարակ դիետոլոգները խորհուրդ են տալիս 1 թեյի գդալ կոկոսի քացախը խառնել 1 բաժակ տաք ջրի հետ և ամեն առավոտ այն խմել, քանի որ այն առավոտյան շատ օգտակար է օրգանիզմի համար: Այն կիրառելի է նաև տարատեսակ աղցանների հետ:

Դարչինը արագացնում է նյութափոխանակությունը և կանխում է ճարպային կուտակումների ձևավորումը: Բացի այդ, այն իջեցնում է արյան մեջ շաքարի մակարդակը: Դարչինը կարելի է ավելացնել տաք խմիչքների (թեյ, սուրճ) կամ շիլայի մեջ:

Լամինարիան մարսողության համակարգը կարգավորող, օգտակար նյութերով լեցուն բանջարեղեն է: Այն իր մեջ պարունակում է մեծ քանակությամբ յոդ և դրական է ազդում նյութափոխանակության վրա:

Քրքումով կաթը կարգավորում է օրգանիզմում մաղձի արտադրությունը, օգնում է սնդի քայքայման և ճարպերի մարսման գործընթացին: Այն կանխում է փքվածության և գազերի առաջացումը:

Նուռը հարուստ են մանրաթելերով, որոնք ապահովում են հագեցվածությունը և ունեն ցածր կալորիականություն: Բացի այդ, այն պարունակում է շատ հակաօքսիդանտներ:

Օշինդրի թեյը օրգանիզմից հեռացնում է տոքսինները և ապահովում օրգանիզմի առողջ նյութափոխանակությունը: Սակայն, պետք չե այն չարաշհել և չորս շաբաթից ավել օգտագործել, այլապես կառաջանան կողմնակի բարդություններ:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին