Իհարկե ամռան շոգին դժվար է ֆիզիկական վարժություններ կատարելը, սակայն օրական տասը րոպեով յոգայի մի քանի վարժություններ կատարելը, որոնք առաջարկում է zNews-ը, ամենևին բարդ չէ։

Փոխարենը մեկ ամսում դուք հարթ փոր կունենաք, որի մասին վաղուց էիք երազում։

Փորձեք ամեն մի դիրքում մնալ 30-40 վայրկյան և կրկնեք 2-3 անգամ։

Մարտիկի դիրք I

Ուղիղ կանգնեք, ձեռքերը վերև բարձրացրեք և միացրեք ափերը։

Խորը շունչ քաշեք և թռիչքով ոտքերը դրեք 120-130 սմ լայնքով։

Աջ շրջվելով՝ արտաշնչեք։ Ծալեք աջ ոտքի ծունկը։

Լարելով ձախ ծնկի մկանները՝ ձգեք ոտքը։

Մարտիկի դիրք II

Ուղիղ կանգնեք։ Աջ ոտքի թաթը 90 աստիճանով շրջեք, իսկ ձախը դեպի ներս շրջեք 45-60 աստիճանով։

Արտաշնչելով աջ ծունկը ծալեք մինչև 90 աստիճան։

Ձեռքերը բացեք հատակին զուգահեռ՝ ափերը դեպի ներքև։

Ուսերը իջեցրեք։ Գլուխը աջ թեքեք և նայեք աջ ափին։ Հանգիստ և խորը շնչեք։

Բազկաթոռի դիրք

Ոտքերը բացեք կոնքի լայնությամբ, թաթերը զուգահեռ են՝ հատակին սեղմված։

Ոտքերը ծնկների մասից ծալեք և նստեք 45-75 աստիճանի վրա։

Ձեռքերը վերև պարզեք և այդ դիրքով մնացեք մի որոշ ժամանակ։

Աղեղի դիրք

Փորի վրա պառկած դիրքով ծալեք ոտքերը ծնկների մասից և ձեռքերով բռնեք ոտքի թաթերը։

Ոտքերն ուղղելով և հատակից պոկելով ձեզ ձեռքերով ձգեք։

Նավակի դիրք

Նստեք հետույքի վրա, ծնկները ծալեք և թաթերը դրեք հատակին։

Մեջքը դեպի հետ տարեք։ Հետո բարձրացրեք ոտքերը և ուղղեք։

Անկյունը պետք է 60 աստիճան լինի։

Ձեռքերը ձգված են հատակին զուգահեռ։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին