Այսօր zNews-ը բազուկով աղցանի մի քանի շատ համեղ բաղադրատոմս է առաջարկում, որոնք հրաշալի տարբերակ են նաև նրանց համար, ովքեր ցանկանում են նիհարել։

Բազուկով, ընկույզով և սալորաչրով աղցան

Անհրաժեշտ բաղադրիչներն են

• 1 խաշած բազուկ
• 100 գրամ ընկույզ
• 2 սալորաչիր
• 2 պճեղ սխտոր
• 2 ճ․գ․ բուսայուղ
• Աղ՝ ըստ ճաշակի

Պատրաստման եղանակը

Սև սալորաչիրը 30 րոպե թրջեք ջրի մեջ։

Բազուկը քերիչով անցկացրեք, կտրատեք սալորաչիրը, ավելացրեք ճզմած սխտորը, ընկույզը, բուսայուղը, աղը, լավ խառնեք բոլոր բաղադրիչները։

Բազուկով ֆիթնես-աղցան

Անհրաժեշտ բաղադրիչներն են

• 2 բազուկ
• 1 խնձոր
• 1 փոքր գազար
• 1 միջին չափսի սոխ
• 250 գրամ թարմ կաղամբ
• 3 ճ․գ․ բուսայուղ
• 2 թ․գ․ խնձորի քացախ
• Աղ՝ ըստ ճաշակի
• Ցանկացած կանաչի

Պատրաստման եղանակը

Բազուկը և գազարը մաքրեք, քերիչով անցկացրեք։

Քերեք նաև խնձորը։

Սոխը և կաղամբը ձողիկներով կտրատեք։

Այս ամենը խառնեք իրար։

Ավելացրեք քացախը, աղը, բուսայուղը և կանաչին։

Բազուկով և բրնձով կշտացնող աղցան

Անհրաժեշտ բաղադրիչներ

• 1 խաշած բազուկ
• 1 խաշած գազար
• 150 գրամ խաշած բրինձ
• 1 ճ․գ․ պահածոյացված եգիպտացորեն
• 8 զեյթուն
• 1 ճ․գ․ ձիթայուղ
• 1 թ․գ․ սոյայի սոուս
• ½ թ․գ․ խնձորի քացախ
• Թարմ կանաչի

Պատրաստման եղանակը

Բազուկն ու գազարը քերիչով անցկացրեք։

Բրինձը խառնեք եգիպտացորենի հետ։

Առանձին-առանձին ափսերի մեջ դրեք բանջարեղենը, կանաչին, զեյթունն ու բրինձը։

Վրան լցրեք սոյայի սոուսը, քացախն ու բուսայուղը։

Ուտելուց անմիջապես առաջ բաղադրիչները խառնեք իրար։

Բազուկով և նեխուրի արմատներով աղցան

Բաղադրիչներ

• 1 բազուկ
• 1 գազար
• ½ նեխուրի արմատ
• ½ գլուխ կաղամբ
• 1 ճ․գ․ լիմոնի հյութ
• 2 ճ․գ․ քունջութի սերմ
• ½ նարինջ
• Աղ՝ ըստ ճաշակի
• Թարմ կանաչի

Պատրաստման եղանակը

Կաղամբը բարակ կտրատեք և մի թեթև ձեռքերով սեղմեք։

Բազուկը, գազարն ու նեխուրը քերեք։

Նարինչը կտրատեք։

Այս ամենը խառնեք մանր կտրատած կանաչիով, քունջութով, լիմոնի հյութով և բուսայուղով։

Ըստ ճաշակի աղ արեք։

Տոնական աղցան «Տիրուհի»

Անհրաժեշտ բաղադրիչներ

• 1 խաշած բազուկ
• 120 գրամ ֆետա պանիր
• 1 մանդարին
• 1ճ․գ․ նռան հատիկ
• ¼ գլուխ կարմիր սոխ
• 1թ․գ․ ֆրանսիական մանանեխ
• 2 թ․գ․ բուսայուղ
• 1 ճ․գ․ ցանկացած տեսակի ընդեղեն
• Թարմ կանաչի
• Աղ՝ ըստ ճաշակի

Պատրաստման եղանակը

Կաղամբը, բազուկն ու պանիրը խորանարդիկներով կտրատեք։

Սոխը բարակ կիսալուսնաձև կտրեք։

Ափսեի վրա շերտերով շարեք բազուկը, պանիրը, սոխը։

Զարդարեք նռան հատիկներով, մանդարինцм և կտրատած ընկույզով։

Մատուցելուց առաջ աղցանի վրա մանանեխի, աղի և բուսայուղի սոուս խառնուրդ լցրեք։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին