Սրտի բաբախների արագացումը նորմալ երևույթ է ֆիզիկական ակտիվության ժամանակ կամ ուժեղ զգայական ցնցումից հետո, սակայն շատ դեպքերում այն անհանգստանալու առիթ կարող է հանդիսանալ։

Երբ զարկերակը հարաբերական հանգիստ վիճակում րոպեում 100 կամ ավելի զարկ է կատարում, դա տախիկարդիա է կոչվում, որի մասին այսօր կպատմի zNews-ը։

Տախիկարդիայի ախտանշաններն են.

• Զարկերակը րոպեում բաբախում է 100 կամ ավելի անգամ,
• Գլխապտույտ, զգացողություն, որ ուշագնաց եք լինելու,
• Անոմալ հոգնածություն,
• Շնչառությունը կտրտվող,
• Առատ քրտնարտադրություն,
• Կրծքավանդակում ճնշվածության կամ ցավի զգացողություն

Տախիկարդիան հաճախ շփոթում են անհանգստության նոպայի հետ, որի դեպքում ախտանշանները գրեթե նույնն են։

Սրտամկանի կծկումների հաճախականության ավելացումը օրգանիզմի պաշտպանական ռեակցիան է, երբ մարդուն վտանգ է սպառնում։

Սաակայն եթե դա կապված չէ սթրեսի կամ անհանգստության հետ, ապա շատ հնարավոր է, որ խոսքը սրտի հիվանդության մասին, որն անհապաղ բուժում է պահանջում։

Վիճակը կարելի է կայունացնել, ամեն դեպքում մինչև բժշկի դիմելը, հետևյալ միջոցներից որևէ մեկով.

1. Հանեք նեղ հագուստը։

2. Օդափոխեք սենյակը և պառկած կամ կիսանստած դիրք ընդոնեք։

3. Աշխատեք խորը և հավասարաչափ շնչել։

4. Եթե խուճապային կամ սթրեսի վիճակում եք, հանգստացնող դեղ ընդունեք։

Անհրաժեշտ է նաև նվազեցնել սուրճի, թեյի, ալկոհոլի, շոկոլադի, կծու սննդի օգտագործումը։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին