Ամեն օր մենք բախվում ենք բազմաթիվ սթրեսային իրավիճակների, որոնք որոշակի կերպով անդրադառնում են մեր հոգեկան առողջության վրա։

Երբեմն բարկությունը, տխրությունն ու վիրավորանքը շատ սխալ պահի են մեզ այցելում։

Նման դեպքերում արագ մեզ հավաքելու համար, արժե լսել գիտնականներին։

zNews-ը արագ հանգստանալու երեք փորձված միջոց է առաջարկում.

1. Կապույտ լույս

Հետազոտությունները ցույց են տվել, որ այն օգնում է մարդկանց սթրեսի և նյարդային լարվածության ժամանակ։ Կապույտ լույսի ժամանակ սրտային և ուղեղային ակտիվությունը նորմայի են գալիս և մարդն ավելի արագ է ազատվում լարվածությունից։

2. Հանգստացնող երաժշտություն

Marconi Union–ի «Weightless» ստեղծագործությունը ձայնագրվել է 2011 թվականին։ Ձայնային թերապիայի Բրիտանական ակադեմիայի գիտնականներն իրենց առջև նպատակ էին դրել ստեղծել այնպիսի երգ, որը կարող է հնարավորինս հանգստացնել և նույնիսկ քնացնել, և դա նրանց ստացվել է։ Մոտ 8 րոպե տևող կոմպոզիցիան տարբեր ձայնային էֆեկտներով է ուղեկցվում։ Time ամսագիրն այն ներառել է տարվա ամենանշանակալի հայտնագործությունների ցանկում։

3. Արոմաթերապիա

Որոշ եթերայուղերի ազդեցությունը սթրեսի մակարդակի վրա ապացուցվել են տարբեր հետազոտությունների արդյունքում։ Այսպես, ռոզմարինը, լավանդան և իլանգ–իլանգը նվազեցնում են տագնապն ու գրգռվածությունը,իջեցնում են արյան բարձր ճնշումը։ Ընտրեք այն բույրը, որը ձեզ ավելի հաճելի է թվում և սթրեսսային վիճակներում 1-2 կաթիլ կաթեցրեք դաստակի վրա։ Մի քանի անգամ շնչեք այդ բույրը և կզգաք, թե ինչպես եք հանդարտվում։

Բացի այդ, աշխատեք քնի անհրաժեշտ քանակությունն ապահովել, հրաժարվեք վնասակար սովորություններից և ավելի հաճախ եղեք մաքուր օդին։ Այս ամենը կօգնի ձեզ վերականգնել հոգեկան առողջությունը։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին