zNews-ն այսօր մի քանի պրոցեդուրա է ներկայացնում, որոնք շատ օգտակար են նորածինների աճի և առողջ զարգացման համար:

1. Մերսեք ոտնաթաթերը, որպեսզի հանեք սթրեսը

Ոտնաթաթերի թեթև մերսումը կօգնի երեխաներին թուլանալ և ավելի արագ քնել:

Ինչպես դա անել.

• Թեթև շփելով տաքացրեք փոքրիկի ոտնաթաթերը
• Սկսեք մերսումը՝ հետևելով երեխայի արձագանքին
• Դուք սա կարող եք անել ամեն օր, որպեսզի օգնեք երեխային ազատվել սթրեսից:

2. Փաղաքշեք երեխային, որպեսզի նա հոգեպես առողջ մեծանա

Գիտականորեն ապացուցված է, որ այն երեխաները, որոնց ավելի հաճախ են գրկում և հպվում, ավելի ամուր հոգեկան առողջություն են ունենում, քանի որ նրանց մոտ ավելի լավ են զարգանում նեյրոնային կապերը:

3. Երեխաներին մերսեք, որպեսզի օգնեք թուլանալ

Մեծահասակները հաճախ են մերսման դիմում սթրեսից ազատվելու համար: Նորածինների վրա այն նույնպիսի ազդեցություն է գործում: Երբ դուք մերսում եք ձեր փոքրիկին, նա իրեն պաշտպանված է զգում և սթրեսն անցնում է: Բացի այդ, հետազոտությունները ցույց են տվել, որ ամենօրյա մերսումը նպաստում է թերաճ երեխաների աճին և ոսկորների ամրացմանը:

4. Երեխային դրեք փորի վրա

Երբ երեխան պառկում է ձեր կրծքին, դա ոչ միայն ուրախ է, այլև օգտակար, քանի որ օգնում է ամրացնել մկանները: Արդյունքում երեխան ավելի շուտ է սկսում նստել և սողալ:

5. Փոքրիկին հանգստացնելու համար իբրացիաներ օգտագործեք և «սպիտակ աղմուկ»

Ապացուցված է, որ վիբրացիաները լաց լինող երեխային հանգստացնելու լավագույն միջոցներից մեկն են: «Սպիտակ աղմուկ» հանող սարքերը միևնույն ազդեցությունն են գործում: Բացի այդ դրանք օգնում են փոքրիկին քնել: Չորանոցներն ու լվացքի մեքենաները հուսահատ ծնողների համար իսկական փրկություն են դարձել: Փորձագետները պնդում են, որ հավասարաչափ աղմուկը երեխային հիշեցնում է մարմնի ձայների մասին, որոնք նա լսել է մոր արգանդում:

Ինչպես դա անել.

Երեխային նստեցրեք մեքենայի աթոռակի մեջ, կապեք և դրեք աթոռակը լվացքի մեքենայի վրա: Միացրեք լվացքը: Մեքենայի վիբրացիաները աստիճանաբար կհանգստացնեն փոքրիկին:

6. Երեխային մեքենայով զբոսանքի տարեք, որպեսզի նա քնի

Պարզվում է, որ այս տարբերակն իրոք աշխատում է: Մեքենայով գնալը երեխայի վրա օրորոցային ազդեցություն է գործում, քանի որ նմանակում է այն շարժումները, որոնք երեխան զգացել է մոր արգանդում եղած ժամանակ:

7. Միջատների խայթոցի տեղերը բուժեք կերակրի սոդայի լուծույթով

Կերակրի սոդայի և ջրի խառնուրդով պատրաստված մածուկը կօգնի ազատվել մոծակների խայթածի քորից և ցավից: Խառնեք 1 ճաշի գդալ սոդան մի քիչ ջրի հետ, որ մածուկի խտությանբ ստացվի և քսեք մաշկին:

8. Երեխայի ամեն մի լացը որպես սովի ազդանշան մի ընդունեք

Լացը պարտադիր չէ նշանակի, թե երեխան սոված է: Կան ծնողներ, որոնք ամեն մի լացի դեպքում երեխային կերակրում են: Սա լուրջ խնդիր է, որը կարող է մանկական ճարպակալման հանգեցնել:

Ինչ է կարելի անել լացի դեպքում, եթե երեխան կուշտ է.

Փորձեք զրուցել նրա հետ, խաղալ, գրկեք նրան, փաղաքշեք, սա կօգնի նրան հանգստանալ և թուլանալ: Իսկ միգուցե պետք է պարզապես փո;ել տակդիրը:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին