AdMe.ru-ն քարտեզների օրինակով ներկայացրել է մայրցամաքների սահմանների հնարավոր փոփոխությունը, որից պարզ է դառնում, որ մի շարք քաղաքներ կարող են ջրի տակն անցնել:
Եվրոպա: Գիտնականների կարծիքով` սառցադաշտերի հալոցքի պատճառով ծովի մակարդակը Երկրի վրա կբարձրանա մոտ 65 մետրով: Լոնդոնը, Վենետիկը, Նիդերլանդները, Մոլդովան և Դանիայի մեծ մասը կանհետանան երկրի երեսից: Միջերկրական, Սև և Կասպից ծովերը կտրուկ կմեծանան:
Ասիա: Տարածք, որտեղ 600 մլն չինացի է բնակվում, կարող է անցնել ջրի տակ, ինչպես և ողջ Բանգլադեշը և Հնդկաստանի մի մասը:
Հյուսիսային Ամերիկա: ԱՄՆ-ի ատլանտյան ափերը կանցնեն ջրի տակ, այդ թվում` Մեքսիկական նեղուցը, Ֆլորիդան և Կալիֆոռնիայի մեծ մասը:
Հարավային Ամերիկա: Լատինական Ամերիկայում ջրի տակ կանցնի Արգենտինայի մայրաքաղաքը, ինչպես նաև Ուրուգվայի և Պարագվայի ափերը:
Աֆրիկա: Մյուսների համեմատ այս մայրցամաքը առավել քիչ կորուստներ կունենա: Եգիպտոսում Միջերկրական ծովի մակարդակի բարձրացման հետևանքով ջրի տակ կհայտնվեն Ալեքսանդրիան և Կահիրեն:
Ավստրալիան: Այս մայրցամաքի այն մասը, որտեղ անապատ է տեղակայված, ներքին ծով կառաջանա:
Անտարկտիդա: Անտարկտիդայի արևմտյան մասը գրեթե ամբողջությամբ կհալչի: Արդեն այժմ այդ տարածքը տարեկան 65 մլն տոննա սառույցի կորուստ է ունենում:
