Հաղորդավարուհի Գոհար Գասպարյանը տարիներ առաջ կորցրել էր եղբորը: Չնայած դրան՝ նա երբեք չի խոսել այդ մասին:
Հաղորդավարուհին առաջին անգամ այդ թեմային անդրադարձել է Հրաչուհի Ութմազյանի «Առանց թեմայի» հաղորդման շրջանակներում:
Նա նշել է, որ իր կյանքի հիշողությունը, որը կցանկանար մոռանալ կապ ունի եղբոր և մտերիմ ընկերուհու կորստի հետ:
Ըստ Հրաչուհու՝ Գոհարի ծանր կորուստը որևէ մեկը նրա շրջապատում չի զգացել, ինչի վերաբերյալ էլ Գոհարն ասել է հետևյալը.
«Կարող եմ ասել, որ օգնեց հավատը, օգնեց մասնագիտությունը, աշխատանքը շատ է օգնում: Ինչպես նաև այն, որ դու պատասխանատու ես, քո ընտանիքի հանդեպ, շրջապատի հանդեպ:Դա շատ օգնում է: Իսկ իմ ցավն իմն է, փորձում եմ ժամանակի ընթացքում դրականը գտնել և չդադարել դրականը նկատել, շատ կարևոր է լավատես մնալը»:
Աղբյուր՝ Starnews.am
