Starnews-ն արդեն տեղեկացրել է Մալաթիա-Սեբաստիա վարչական շրջանի Հաղթանակ թաղամասի Նորիկի փողոցի տներից մեկում նոյեմբերի 8-ին տեղի ունեցած սպանության գործով 3 ձերբակալված անձանց մասին:

Ձերբակալվել էի սպանվածի հարսնացուն, հարսնացուի մայրը և եղբայրը՝ 22-ամյա Մ․ Հակոբյանը։

Ըստ համացանցում տարածված տեղեկությունների՝ 27-ամյա կինը պրոֆեսիոնալ պարուհի և պարուսույց, «Larisa dance» ստուդիայի հիմնադիր-ղեկավարն է։

Ուշագրավն այն է, որ սպանվածը Արսեն Սիմոնյանն է, ինչից էլ կարող ենք եզրահանգել, որ Լարիսա Հակոբյանը, ով տարիներ առաջ պատմում էր իր ամուսնության մասին, պարզվում է ամուսնալուծվել է:

Ի դեպ, Լարիսան իր նախկին ամուսնուն հանդիպել էր 12 տարեկանում, 14-ում տեղի էր ունեցել խոսկապը, 15-ում նշանադրվել էր, իսկ 16-ում՝ ամուսնացել:

Տարիներ առաջ Լարիսան պատմում էր, թե որքան երջանիկ է իր ամուսնու՝ Արմանի հետ: Թե ինչ է եղել նրանց բաժանման պատճառը, դժվար է ասել: Պարուհին երբեք այդ մասին չի խոսել:

Հիշեցնենք, որ դաժան սպանության վերաբերյալ ավելի վաղ՝ մամուլում տեղեկություններ էին տարածվել, որ 27-ամյա աղջկա եղբոր կողմից ապագա փեսային՝ Արսեն Սիմոնյանին, սպանելու պատճառը եղել է հայհոյանքը: Բանն այն է, որ նոյեմբերի լույս 8-ի գիշերը 36-ամյա Արսեն Սիմոնյանն իր սիրելի աղջկա տանն է եղել, ընտանիքի անդամները սեղանի շուրջ նստած են եղել: Այդ ընթացքում փեսայի հեռախոսահամարին նամակ է եկել, երբ ապագա հարսնացուն հետաքրքրվել է՝ ով է գրել Արսեն Սիմոնյանին, վերջինս հրաժարվել է ընկերուհուն տալ հեռախոսը և առհասարակ ցույց տալ, թե ով է իրեն նամակ գրել:

Հեռախոսահամարին եկած նամակի շուրջ զույգի մեջ սկսվում է տհաճ խոսակցություն, որի ժամանակ Արսեն Սիմոնյանը բռնում է իր հարսնացուի կոկորդը:

Այս տեսարանը տեսնելով հարսնացուի ընտանիքի անդամները խառնվում են վեճին, հնչում են հայհոյանքներ, որից հետո աղջկա եղբայրը դանակով հարվածում է ապագա փեսային՝ Արսեն Սիմոնյանին, ինչից էլ նա մահանում է:

Աղբյուր՝ Starnews.am