Այսօր zNews-ը առաջարկում է համեղ լոշիկներ պատրաստել կեֆիրով։

Լոշիկների միջուկը պատրաստեք ըստ ձեր ցանկության և ճաշակի։

Խմորի բաղադրիչները

• 500 մլ ցանկացած յուղայնության կեֆիր
• 1թ․գ․ սոդա
• 1 ձու
• 2 ճ․գ․ բուսայուղ
• 500-550 գրամ ալյուր
• 50 գրամ կարագ
• Աղ՝ ըստ ճաշակի

Միջուկի համար (ըստ ձեր ցանկության)

• Պանրով նրբերշիկ կամ ապխտած միս
• Շոգեխաշած սունկ
• Շոգեխաշած կաղամբ
• Կարտոֆիլի խյուս
• Կանաչիով կաթնաշոռ

Պատրաստման եղանակը

1. Կեֆիրը խառնեք սոդայի հետ, ավելացրեք ձուն և բուսայուղը։

2. Ալյուրը մաղեք և ավելացրեք կեֆիրին։ Փափուկ խմոր հունցեք, անհրաժեշտության դեպքում էլի ալյուր ավելացրեք։ Խմորը մի թեթև կարող է կպչել ձեռքերին։ Ծածկեք սրբիչով և թողեք 10 րոպե։

3. Խմորը երկարությամբ ձգեք և 8-9 մասի բաժանեք։ Լոշիկները բացեք ճկույթի բարակության՝ վրան ալյուր ցանելով։ Մեջտեղում լցրեք նախօրոք պատրաստված լցոնը, ծայրերը ամարցրեք, ձեռքերով հավասարեցրեք։ Թողեք 2-3 րոպե։

4. Մինչ լոշիկները հանգստանում են, թավան տաքացրեք՝ մի թեթև ձիթայուղով։ Լոշիկները երկու կողմից տապակեք՝ թավայի բերանը փակ վիճակով։

5. Պատրաստի լոշիկների վրա կարագ դրեք։ Իրար վրա շարեք և սրբիչով ծածկեք։ Թողեք 10-15 րոպե։ Բարի ախորժակ։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին