zNews-ը ներկայացնում է մի քանի քիչ հայտնի հնարք, որոնք ուտեստներն ավելի համեղ կդարձնեն:

Եթե չիլի պղպեղ սիրում եք, բայց կծվությունը վախեցնում է, մաքրեք սերմերը և բաժանարարները, լվացեք սառը ջրով: Բույրը կմնա, կծվությունը կանցնի:

Կարտոֆիլն առանց յուղով տապակելու խրթխրթան կեղևով պատրաստելու համար վրան ալյուր ցանեք, խառնեք և եփեք:

Յուղոտ սերուցքով դեսերտն ավելի կալորիական դարձնելու համար այն փոխարինեք 3/4 հարած սպիտակուցով:

Չգիտեք՝ բանջարեղենը սա՞ռը, թե՞ տաք ջրի մեջ դնել: Պարզ է՝ այն, ինչ հողի տակ է աճում, դրեք սառը ջրի մեջ, իսկ այն, ինչը գետնի վրա՝ տաք:

Համոզվելու համար, որ սպիտակուցը բավականաչափ լավ հարվեց, շրջեք դրանցով լի տարան, եթե կառուցվածքը ճիշտ է, սպիտակուցային զանգվածը տեղում կմնա:

Աղցանների համար օգտագործիր փայլաթիթեղով եփված բազուկ. ի տարբերություն խաշվածի՝ այն ավելի լավ է պահպանում համը, գույնը, վիտամինները:

Սոխը քառակուսաձև կտրտելը շատ հեշտ է՝ սոխը երկու մասի կիսեք, կտրեք գլխամասը: Մի քանի հորիզոնական կտրվածք արեք, մի քանի կտրվածք՝ երկայնքով, կտրեք լայնակի:

Աղցանը միշտ համեմեք աղ անելուց հետո. համեմունքի բաղադրիչ յուղն աղին թույլ չի տա ամբողջովին լուծվել, աղցանը կարող է աղի ստացվել:

Գլխավոր հնարքներից մեկը, որը պաստային չի թողնի կպչել՝ հնարավորինս շատ ջուր օգտագործել: Վերցրեք առնվազն 1 լ. 100 գ. չոր պաստայի համար:

Քաղցր թխվածքի համար խմորի գաղտնիքը պարզ է՝ ալյուրի քաշը պետք է նույնքան լինի, որքան շաքարավազինը, ձվերինը՝ կարագի չափ:

Որպեսզի կարտոֆիլով պյուրեն օդային ստացվի կաթի հետ դանակի ծայրով կերակի սոդա ավելացրեք և պյուրեն պատառաքաղով խառնեք 2-3 րոպե:

Ցիտրուսներից ավելի շատ հյութ ստանալու համար պետք է դրանք տաք ջրում պահել, 15−20 վայրկյան տաքացնել միկրոալիքային վառարանում, ափով սեղմելով տրորել սեղանի վրա:

Իմանալու համար՝ արդյոք յուղը բավականաչափ տաք է տապակելու համար, դրա մեջ փայտե ձող դրեք: Եթե դրա շուրջը փուչիկներ գոյանան, կարող եք սկսել պատրաստել:

Որպեսի բրինձը համեղ և փխրուն ստացվի, փորձեք այն թավայի մեջ եփել, ջուրը լցնելուց առաջ մի քիչ տապակեք ոչ մեծ քանակությամբ ցանկացած բուսական յուղով: Բրնձին սխտորի թեթև բույր տալու համար ջրի մեջ մի պճեղ ավելացրեք, կարելի է նույնիսկ չմաքրած, պատրաստման վերջում այն հանեք:

Երբեք յուղ մի ավելացրեք ջրի մեջ, որում պաստա է եփվում, եթե ուզում եք այն սոուսով մատուցել, դա սոուսին կխանգարի այն ներծծել և հագեցնել իր համով:

Լոլիկն առանց հյութը թափվելու շերտատելու համար այն կտրտեք մակերևույթի վրայի փոսիկներով:

Հայտնի է, որ թխվածքի խմոր բացելու համար սեղանի վրա ալյուր է ցանվում: Եթե քաղցր թխվածք է, ալյուրը փոխարինեք ոչ մեծ քնակությամբ կակաոյի փոշով. այն չի ազդի թխվածքի համի վրա, բայց նուրբ, հազիվ նկատելի բույր կթողնի:

Որպեսզի կոտլետները համեղ ստացվեն սոխը մի քիչ տաքացրեք կարագի կամ բուսական յուղի մեջ, հետո մսի հետ աղացեք մսաղացով: Դա կբացահայտի սոխի հոտը, կլավացնի ուտեստի համը, այն կփափկեցնի, պատրաստի կոտլետների մեջ հում սոխի կտորներ չեն հանդիպի:

Սթեյքը տապակելու թավան պետք է այնքան տաք լինի, որ դրանից ծուխ բարձրանա:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին