Միայն աստղերը չեն, որ կարող են մեկնաբանել մեր կյանքի իրադարձություններն ըստ ծնված ամսաթվի։

Այս հարցում բավական ակտիվ է նաև կելտական հորոսկոպը, որը բաղկացած է 13 փուլերից, որոնցից յուրաքանչյուրին մեկ ծառ կամ թուփ է համապատասխանում։

Եկեք zNews-ի հետ գտնենք մեր ծառը և պարզենք, թե որքանով են դրուիդների կանխատեսումները ճշմարիտ։

24 դեկտեմբեր – 20 հունվար

Կեչի

Դուք համարձակ ընդունում եք կյանքի մարտահրավերները և չեք վախենում ոչնչից։ Դուք սիրում եք ուրիշներին էլ բոցավառել ձեր ներքին կրակով։

21 հունվար – 17 փետրվար

Արոսի

Դուք ազդում եք մարդկանց վրա՝ նրանց լիցքավորելով ձեր ներքին կրքով։ Դուք ի ծնե փիլիսոփա եք և հաճախ եք բողոքում, որ վատ երևակայություն ունեցող մարդիկ ձեզ չեն հասկանում։

18 փետրվար- 17 մարտ

Հացենի

Դուք շատ արտիստիկ եք։ Դուք տաղանդավոր եք ոչ միայն արվեստում, այլև գիտության մեջ։ Դուք մոտ եք բնությանը և այն ամենին, ինչ կապված է դրա հետ։

18 մարտ – 14 ապրիլ

Լաստենի

Դուք իսկական արև եք ձեր ընկերների մեջ և շրջապատին դեպի ձեզ եք ձգում ձեր էներգիայով, կենսասիրությամբ և ինքնավստահությամբ։ Դուք շատ խարիզմատիկ եք և չեք սիրում դատարկ ժամանակ վատնել։

15 ապրիլ- 12 մայիս

Ուռենի

Ուժեղ զգայականությունն ու ինտուիցիան ձեր մասին են։ Դուք հաճախ հասկանում եք շատ իրադարձությունների պատճառները, որոնք փակ են մյուս մարդկանց համար։ Դուք կրթված և ստեղծագործ մարդ եք և սիրում եք ձեր գիտելիքներով կիսվել ուրիշների հետ։

13 մայիս – 9 հունիս

Ալոճենի

Դուք շատ փոփոխական եք և ձեր օրինակի վրա ցույց եք տալիս, թե ինչպես չի կարելի դատել գրքի մասին նրա շապիկով։ Դուք հավերժ էնտուզիաստ եք և լավ զրուցակից, որը միշտ լավ խորհուրդներ է տալիս ընկերներին։

10 հունիս – 7 հուլիս

Կաղնի

Դուք միշտ հավատում եք լավին և դա նախանձելի է։ Դուք միշտ հաղթանակած եք դուրս գալիս այնտեղից, որտեղ մյուսները զոհվում են։ Դուք իմաստուն և առատաձեռն մարդ եք, որից շատ բան կարելի է սովորել։

8 հուլիս – 4 օգոստոս

Փշարմավ

Մարդիկ գալիս են ձեր հետևից, դուք օժտված եք ղեկավարելու մեծ պարգևով։ Երբեմն ձեր ավելորդ ինքնավստահությունը մարդիկ որպես մեծամտություն են ընդունում։ Դուք առատաձեռն եք և վախենում եք ճակատագրի շրջադարձներից։

5 օգոստոս – 1 սեպտեմբեր

Պնդուկենի

Դուք շատ խելացի եք և հրաշալի հիշողություն ունեք։ Դուք վերլուծելու մեծ ունակություններ ունեք, ինչպես նաև լավ կազմակերպիչ եք։

2 սեպտեմբեր – 29 սեպտեմբեր

Խաղողենի

Դուք ի ծնե էսթետ եք և ընտրում եք այն երաժշտությունը, արվեստի առարկաները կամ նույնիսկ սնունդը, որոնք շքեղության չափանիշ են համարվում։ Դուք միշտ հրապուրիչ և գայթակղիչ եք հակառակ սեռի համար։

30 սեպտեմբեր- 27 հոկտեմբեր

Բաղեղ

Դուք բավական հոգևոր մարդ եք և երբեք չեք դավաճանում ձեր իդեալներին։ Ձեր վրա միշտ կարելի է հույս դնել, դուք հրաշալի ընկեր եք։

28 հոկտեմբեր- 24 նոյեմբեր

Եղեգ

Դուք իսկական պայծառատես եք. դուք միշտ գիտեք բոլոր հարցերի ճիշտ պատասխանները և բոլոր իրադարձությունների պատճառները, դեռ նախքան դրանք տեղի կունենան։

25 նոյեմբեր – 23 դեկտեմբեր

Թանթրվենի

Ի ծնե դուք էքստրավերտ եք, այդ պատճառով էլ միշտ ձգտում եք օգնել խոսքով և գործով։ Դուք երբեք չեք ստում, այլ ասում եք այն, ինչ մտածում եք։ Երբեմն դուք շատախոս եք, բայց դա այն պատճառով է տեղի ունենում, որ դուք ցանկանում եք կյանքից վերցնել այն ամենը, ինչ հնարավոր է։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին