Պարզվում է, որ այնքան սովորական թվացող պելմենին աշխարհով մեկ տարբեր տարատեսակներ ունի։
Իսկ դուք լսե՞լ էիք բաց պելմենիների մասին։
Հենց դրա բաղադրատոմսն է այսօր ձեզ առաջարկում zNews-ը։
Անհհրաժեշտ բաղադրիչներ
- Ալյուր – 400 գրամ
- Աղ, սև պղպեղ – ըստ ճաշակի
- Բուսայուղ – 3 ճ.գ.
- Կանաչ սոխ – կես կապ
- Մաղադանոս – ըստ ճաշակի
- Բուլղարական պղպեղ – 1 հատ
- Ձիթայուղ – 3 ճ.գ.
- Կարագ – 30 գր.
- Ջուր – 230 մլ.
- Շաքարավազ – 1 թ.գ.
- Տավարի խճողակ – 500 գր.
- Սամիթ – ըստ ճաշակի
- Լոլիկ – 1 հատ
- Կարտոֆիլ – 1 հատ
- Քիմիոն – ըստ ճաշակի
- Ձու – 1 հատ
Պատրաստման եղանակը
1. Իրար խառնեք ալյուրը, աղն ու շաքարավազը։
2. Ավելացրեք եռացրած ջուր։ Գդալով խառնեք տաք խմորը, ավելացրեք բուսայուղը և 10 րոպեի ընթացքում հունցեք խմորը։
3. Խմորը դրեք տոպրակի մեջ կամ փաթաթեք սննդային թաղանթով
4. Տավարի աղացած մսինավելացրեք մանր քերած կարտոֆիլը, խորանարդիկներով կտրատած լոլիկն ու պղպեղը, կանաչիները, համեմունքները, ձիթայուղը և հարած ձուն։
5. Խմորը երկու մասի բաժանեք։ Գրտնակով բացեք և քառակուսիներով կտրատեք։
6. Ամեն մի քառակուսու վրա խճողակ դրեք և ծայրերը ջրով թրջելով նավակների պես կպցրեք, ինչպես պատկերված է նկարում։
7. Թավայի մեջ կարագ դրեք, տեղավորեք նավակները և տապակեք, մինչև որ խմորի տակի մասը ոսկեգույն դառնա։ Հիմա լցրեք ջուրը։ Ջուրը պետք է առատ լինի, բայց չհասնի նավակների միջի մսին։
8. Շոգեխաշեք փակ կափարիչով մոտ 15 րոպե։ Այս ընթացքում ջուրը կգոլորշիանա։
9. Մատուցեք թթվասերով կամ լոլիկով սոուս պատրաստեք։
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին