Ընդամենը տաս-տասներկու րոպեի ոչ այնքան բարդ աշխատանք, մի քանի ժամվա սպասում, եւ ձեր աղանդերային սեղանը զարդարված կլինի գեղեցիկ, ինքնատիպ եւ շատ համեղ մի քաղցրեղենով, որին իտալացիները կնքել են «Տիրամիսու» անվամբ:
Բաղադրիչներ՝
- 200 գրամ ցանկացած շաքարավազով թխվածքաբլիթ,
- 200 գրամ անյուղ կաթնաշոռ,
- 100 գրամ թթվասեր,
- 50 գրամ շաքար,
- 1 թեյի գդալ սուրճ,
- վանիլ,
- կակաո։
Պատրաստումը՝
1. Խառնեք բլենդերի մեջ կաթնաշոռը, թթվասերը, շաքարը և վանիլը մինչև միատարր զանգված ստանալը։ Պատրաստեք սուրճը (ես վերցրել եմ սովորական լուծվող)։
2. Թխվածքաբլիթները 5 վայրկյան թաթախում ենք սուրճի մեջ։ Այնուհետև հերթականությամբ դասավորում ենք թխվածքաբլիթը, կրեմը և ձևավորում ենք դեսերտը (ես դա անում եմ ապակե բաժակի մեջ)։
3. Շաղ տվեք կակաոն ցանցով։ Դրեք այն սառնարանում ամբողջ գիշերվա ընթացքում։
Այսպիսի մթերքների քանակությունից ինձ մոտ ստացվեց 3 այսպիսի բաժակ։
Փորձեք, շատ համեղ է։
Բարի ախորժակ։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
