Կինոյում այս մարդիկ մարմնավորել են և՛ դրական, և՛ բացասական կերպարների:
Բայց նրանց գլխավոր դերն իրական կյանքում է:
Եվ հաճախ այն ավելի ողբերգական է, քան ցանկացած էկրանավորում:
zNews-ը ներկայացնում է հայտնի մարդկանց կյանքի ցնցող պատմություններ, ովքեր իրական կյանքում ծանր փորձությունների են ենթարկվել:
Իգոր Լիվանով և Իրինա Բեզռուկովա
Այս դերասանները վաղուց էին բաժանվել, բայց տեղի ունեցած ողբերգությունը նրանց ստիպեց հաշտվել. 2015 թ. մահացավ նրանց մեծահասակ որդին:
Լիվանովի համար սա առաջին կորուստը չէր, նրա առաջին կինն ու դուստրը 1987 թ. զոհվեցին սարսափելի երկաթուղային վթարից:
Դերասանը շատ էր տառապում և փորձում էր աշխատանքի միջոցով ցրվել:
Նա սկսեց դերասանական վարպետություն դասավանդել, իսկ տաղանդավոր ուսանողների մեջ նկատեց Իրինա Բախտուրային:
Զույգը սկսեց հանդիպել, 1989 թ. տղա ունեցան՝ Անդրեյը:
10 տարի անց Իրինան Իգորին լքեց հանուն Սերգեյ Բեզռուկովի:
2015 թ. մարտին Անդրեյին մահացած գտան իր տանը:
Իրինա և Սերգեյ Բեզռուկովները բաժանվեցին այդ ողբերգությունից մի քանի ամիս անց:
Իրինան և Իգորը հաշտվեցին:
Դմիտրի Դյուժև
18 տարեկանում Դմիտրին կորցրեց իր կրտսեր քրոջը, ում շատ էր սիրում: 12-ամյա աղջիկը լեյկեմիայից մահացավ: Ապրած շոկից հետո նա նույնիսկ ուզում էր ամեն ինչ թողնել ու վանք գնալ: Բայց ծնողները կանգնեցրին նրան:
Թատերական արվեստի ռուսական համալսարանում Դմիտրին իրեն վտարանդի էր զգում հաջողակ համակուրսեցիների կողքին և անվստահության պատճառով թողեց ուսումը:
Հայրը որդուն դաս տալու համար ստիպեց խանութում աշխատել:
Արդեն մի քանի օր անց Դմիտրին հասկացավ, որ սխալվել է և ցանկացավ փախչել այդպիսի կյանքից:
Դստեր կորստից հետո Պյոտր Դյուժևը նույնպես չէր կարողանում ուշքի գալ: Նա խմում էր, ծաղրում Դմիտրիի մորը, իսկ մի անգամ վեճից հետո իր երակները կտրեց:
Մոտ մեկ տարի անց 47 տարեկանում սրտի հետ կապված խնդիրների պատճառով մահացավ Դյուժևի մայրը:
Բոլորովին մենակ մնալով՝ Դյուժևը նորից որոշեց վանք գնալ: Բայց վանականները նրան համոզեցին, որ նա կարող է շատ օգուտ բերել աշխարհիկ կյանքում:
Ողբերգությունների շարքը վերջացավ, երբ Դմիտրին հանդիպեց իր սիրուն՝ Տատյանա Զայցևային:
2008 թ. նրանք ամուսնացան, և հիմա 2 որդի ունեն:
Քեթի Հոլմս
2006 թ. բոլորը հեքիաթ էին անվանում Քեթիի և Թոմ Կրուզի հարսանիքը:
Բայց 5 տարի անց Քեթին դստեր հետ փախավ Թոմից և սայենթոլոգների նրա աղանդից:
Բաժանությունից հետո դերասանուհին աղանդի մասին լռեց 5 տարի:
Սայենթոլոգների մասին սարսափելի բաներ են պատմում՝ աղանդի անդամները հոգեբանական ճնշման տակ են, ծնողներին մի քանի տարով թույլ չեն տալիս մոտենալ երեխաներին:
Աղանդի մի նախկին անդամ պատմեց, որ մարդկանց ստիպում են հետևել իրար:
Կրուզի քույրերը 15 տարի լրտեսում էին նրան:
Քեթին բաժանությունից հետո կարծես ծաղկում է:
Շշուկներ են շրջանառվում, որ նա արդեն 3 տարի հանդիպում է Ջեյմի Ֆոքսի հետ:
Հիթ Լեջեր
Պապարացիները դերասանին անընդհատ հետևում էին, նա նույնիսկ վախենում էր տնից դուրս գալ:
Հաճախ Հիթը և նրա ընկերուհին՝ Միշել Ուիլյամսը ցույց էին տալիս՝ ինչ են մտածում լրագրողների մասին, իսկ նրանք ի պատասխան սկսեցին վրեժ լուծել դերասանից: Օրինակ՝ Սիդնեյում կարմիր գորգի վրա Լեջերի վրա ջուր ցանեցին ջրցան հրացաններով:
Միշելից բաժանվելուց հետո Լեջերը հոգեկան խնդիրներ ունեցավ, նա շատ քիչ էր քնում: Այդ ժամանակ նա մարմնավորեց Ջոկերի հայտնի դերը, որի համար «Օսկար» ստացավ: Ճիշտ է՝ արդեն հետմահու:
Սուզվելով իր հերոսի կերպարի մեջ՝ դերասանը մեկ ամսով փակվեց հյուրանոցի համարում: Հիթը նույնիսկ «Ջոկերի օրագիր» ուներ:
Վերջին ֆիլմի նկարահանումների ժամանակ Լեջերը թոքերի ծանր բորբոքում էր տանում, բայց միայն անքնության դեմ հաբեր էր ընդունում: 2008 թ. հունվարի 22-ին նրան հայտնաբերեցին անգիտակից վիճակում իր տանը: Շտապօգնությունը չկարողացավ փրկել նրան, փորձաքննությունը ցույց տվեց, որ նա թունավորվել է ուժեղ քնաբերից: Լեջերն ընդամենը 28 տարեկան էր:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին