Դերասանուհի Իննա Խոջամիրյանն այն հայտնիներից է, ով ունի հետևորդների մեծ բանակ ինստագրամում:

Օրերս դեերասանուհին խոստովանել է, որ պարբերաբար հանդիպումներ է ունենում իր երկրպագուների հետ՝ հատկապես իր ներկայացումներից հետո:

«Նրանք ինձ հետ պարբերաբար նամակագրական կապի մեջ են լինում: Իհարկե, ես երբևէ չեմ հասկացել նման բաների իմաստը, որովհետև թեկուզ դեռահաս ժամանակ ֆանատիկորեն որևէ մեկին չեմ սիրել:

Հիշում եմ, որ իմ դասընկերուհիների սենյակների պատերին կպցրած էին այն ժամանակ Էնրիկե Իգլեսիասի նկարները կամ Դեյվիդ Բեքհեմի: Բայց ես այդպես չկարողացա անել, որևէ մեկին ֆանատիկորեն չեմ սիրել:

Այդ երեխաները սիրում են ինձ, ես ՝ նրանց: Հիմնականում աղջիկներ են՝ մինչև 19 տարեկան, ունեմ նաև ուսանող աղջիկներ:

Այդ հանրությունը ձևավորվեց հեռուստասերիալներից, բայց քանի որ նրանք ինձ հետևում են սոցիալական հարթակներում, ես ինչ-որ մի բան պիտի տամ այդ մարդկանց:

Նրանցից սովորում եմ անվերապահորեն սիրել, հավատալ, վստահել:

Նրանք ներկա են անխտիր իմ բոլոր ներկայացումներին և միշտ կուլիսներում սպասում են ինձ»,- օրերս հարցազրույցներից մեկի ժամանակ անկեղծացել է Իննան:

Աղբյուր՝ armlady