Տղամարդիկ հաճախ են արտամուսնական կապեր ունենում․ դավաճանության հիմքում երբեմն շատ ավելի լուրջ դրդապատճառներ կան, քան պարզապես սեռական ցանկությունը բավարարելը։
Ըստ վիճակագրության՝ տղամարդիկ ավելի հաճախ են դավաճանում, քան կանայք։
Հոգեբան Օլգա Կորոբեյնիկովան doctorpiter.ru–ի հետ զրույցում թվարկել է մի քանի պատճառ, թե ինչն է տղամարդկանց դրդում ամուսնական անհավատարմության։
Սեռական խառնվածքի անհամատեղելիություն
Սեքսի ժամանակ տղամարդու մոտ տեղի է ունենում արյունատար համակարգի թարմացում, բարելավվում է սրտի աշխատանքը։ Ովքեր ինչ-ինչ պատճառներով հազվադեպ են սեռական կյանքով ապրում, սրտանոթային համակարգի խնդիրների են բախվում։ Եթե կինը չի համապատասխանում իր խառնվածքով, տղամարդը ստիպված է սահմանափակել իր ցանկությունը. կա՛մ նա բավարարվածություն է գտնում «ձախ կողմում», կա՛մ տուժում է նրա առողջությունը։
Անիրագործելի պատմություն մանկությունից
Տղամարդն ուզում է ինչ-որ գաղտնի, արգելված բան անել, վատը լինել։ Այս պահվածքը բնորոշ է պերֆեկցիոնիստ (մշտապես կատարելության ձգտող) տղամարդկանց։ Նա լավն է, բարի, պատասխանատու, բայց այդպես իրացվում է միայն դրա լուսավոր կողմը, իսկ երկրորդը՝ անձի մութ մասը, մնում է չիրականացված։ Դա փոխհատուցելու համար տղամարդը գաղտնի կերպով ցուցադրում է իր մութ կողմը, գնում է հասարակության դեմ, բայց դա անում է գաղտնի, քանի որ հոգեբանական ճնշման դեմ պայքարելու ուժ չունի։
Դավաճանությունը՝ որպես վրեժ լուծելու միջոց
Կինը մշտապես կասկածում է նրան դավաճանության մեջ, նվաստացնում, վիրավորում։ Այս մարդուն պետք է ոչ թե սիրուհի, որպես այդպիսին, այլ հոգեբան՝ խոսելու համար: Նա ընտրում է իր «հոգու կնոջը», որպեսզի գոնե նրա հետ իրականացնի իր ցանկությունները և պարզապես խոսի։ Նա այդ ամենն անում է առանց իր ընտանիքին վնասելու։
Ուզում է մի քանի ընտանիք ունենալ բազմակնության պատճառով
Այսպիսի մարդը ցանկանում է ավելի հարուստ, ավելի բավարարված զգալ: Հատկապես այսպես են վարվում նրանք, ովքեր աշխատանքում այնքան էլ հաջողակ չեն, բայց ունեն ներուժ։ Կան կանայք, որոնք ֆինանսական հարցերով չեն անհանգստացնում տղամարդուն։ Այս դեպքում տղամարդն ապահովում է իր սիրուհուն, նրան նվերներ տալիս ու շնորհակալություն ստանում դրա համար։ Սա թույլ է տալիս, որ նա ինքն իրեն հերոս զգա։ Նման տղամարդիկ կարող են ևս մեկ ընտանիք ունենալ։
Մանկության հոգեբանական տրավմա
Սրանք խնդիրներ են, որոնք կապված են մայրիկի հետ։ Նա միայնակ էր հոգում բոլոր հարցերը, հաղթահարում դժվարությունները, հայր-տղամարդը օրինակ չէր ծառայում։ Այսպես մեծացած տղաները ցանկանում են օգնել կանանց։ Նրանք հաճախ սիրուհի են ընտրում այնպիսի կանանց, որոնք երեխաներ ունեն, հոգում են նրանց բոլոր հարցերը։ Այս կանայք տղամարդու մոր պրոյեկցիան են, տղամարդն այդպես օգնում է իր մայրիկին։ Սա տղամարդու մանկության ցանկությունն է՝ թեթևացնել մայրիկի հոգսը, օգնել նրան ֆինանսական հարցերում։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
