Լյարդի հիվանդություններից շատերը սկզբնական շրջանում առանց ախտանշանների են ընթանում, այդ պատճառով հաճախ բավական բարձիթողի փուլում են ախտորոշվում:

Սակայն կան մի քանի նշաններ, որոնք կարող են ցույց տալ լյարդի հետ կապված խնդիրները:

Այդ նշանները այսօր ներկայացնում է zNews-ը։

1. Ցավ և ծանրություն փորի վերին հատվածում

Եթե դուք շատ եք յուղոտ սնունդ օգտագործում, դա կարող է հանգեցնել լյարդի չափսերի մեծացման։ Արդյունքում մեծանում է ճնշումը կրծքացանդակի և ստամոքսի վրա։ Փքված ստամոքսը նույնպես հնարավոր նշան կարող է լինել։

2. Սրտխառնոց

Սրտխառնոցը հնարավոր նշան է, որ ձեր լյարդի հետ ինչ-որ բան կարգին չէ։ Յուղոտ սնունդ օգտագործելուց հետո դուք հնարավոր է ծանրության զգացողություն ունենաք ստամոքսում, սրտխառնոց, լուծ, գլխապտույտ։ Այս դեպքերում նույնպես ստուգեք լյարդը։

3. Զգայուն մաշկ և աչքերի սպիտակուցների դեղնություն

Մաշկի վրա ամենաարագն են արտացոլվում արյան և օրգանիզմի ընդհանուր վիճակը։ Ակնեի, ցանի ալերգիկ ռեակցիաների առաջացումը կարող է նշանակել, որ օրգանիզմում չափազանց շատ տոքսիններ են կուտակվել։ Մաշկի վրա կարող են նաև մուգ շրջանակներ հայտնվել։ Կարող են դեղնել աչքերի սպիտակուցները։

4. Հոգնածություն և թուլություն

Երբ օրգանիզմը փորձում է ազատվել տոքսիններից, մենք հոգնածություն ենք զգում, նույնիսկ, եթե 8 ժամ կամ ավելի ենք քնում։ Հոգնածություն, կենտրոնանալու դժվարություններ, ալարկոտություն… սրանք այն նշաններն են, որոնք վկայում են օրգանիզմում տոքսինների կուտակման մասին։

5. Ջերմություն

Այս նշանը հաճախ կապված է լյարդի ինտոքսիկացիայի հետ։ Դա մեծ քանակով քրտնարտադրության է հանգեցնում, քանի որ օրգանիզմը մաշկի միջոցով փորձում է դուրս բերել տոքսինները։

6. Մկանային ցավեր

Լյարդի խնդիրների դեպքում դուք հնարավոր է մկանների և հոդերի մշտական ցավեր ունենաք, ինչպես նաև մաշկի վրա կապտուկներ։

7. Մեզի և կղանքի գույնի փոփոխություն

Լյարդի խափանումների մասին կարող են վկայել նաև մարդու մեզը և կղանքը՝ լյարդի խնդիրների դեպքում դրանք գունափոխվում են, մգանում, ձեռք բերում չափազանց կտրուկ տհաճ հոտ: «Գազավորված» լինելու և փորում մեծացած ճնշման մշտական զգացողությունը նույնպես կարող են վկայել լյարդում վատ պրոցեսների մասին:

8. Մարմնի քոր

Ձեր մարմինը կարող է քոր գալ լեղիի կուտակման պատճառով։ Այդպես է մարմինը արձագանքում բոլոր կուտակված տոքսիններին, որոնք լյարդը չի կարողացել վնասազերծել։

9. Արյունահոսություն

Հազվադեպ է պատահում, բայց չի բացառվում։ Լյարդի վատ աշխատանքի պատճառով հաճախ վատ է կատարվում նաև արյան մակարդելիությունը, ինչն էլ բերում է արյունահոսության։

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին