Հելիկոբակտեր պիլորին բակտերիա է, որն ապրում է ստամոքսում և առաջացնում ցավոտ զգացողություններ:
Սա բավական տարածված խնդիր է և կարող է ի հայտ գալ յուրաքանչյուրի մոտ՝ անկախ տարիքից ու սեռից:
Ժամանակի ընթացքում բակտերիան սկսում է քայքայել ստամոքսի պատերը, ինչը սաստիկ ցավեր, վարակումներ ու արյունահոսություններ է առաջացնում և անգամ խանգարում է ամբողջ մարսողական համակարգի աշխատանքը:
Սա է պատճառը, որ հարկավոր է ժամանակին միջոցներ ձեռնարկել և ազատվել վնասակար բակտերիայից:
zNews-ը Ձեր ուշադրությանն է ներկայացնում 5 բնական միջոց, որոնք կօգնեն ազատվել հելիկոբակտեր պիլորիից առանց հակաբիոտիկների:
1. Առողջարար ըմպելիք
Մի բաժակ եռացող ջրին ավելացնել մի պտղունց չիլի պղպեղ, մի պտղունց կոճապղպեղ, մի կտոր կիտրոն և կիտրոնի մի քանի տերև, շարունակել եռացնել ևս 5 րոպե, այնուհետև քամել, 3-5 րոպե սառեցնել և խմել: Այս ըմպելիքը հարկավոր է ըմպել օրական 3 անգամ: Բուժման կուրսի տևողությունն է մեկ շաբաթ:
2. Մանուկա մեղր
Այս մեղրը հիանալի բուժիչ միջոց է հելիկոբակտեր պիլորիի և այլ բակտերիաների դեմ պայքարելու համար: Ուսումնասիրությունները ցույց են տվել, որ այն արդյունավետ կերպով ոչնչացնում է բակտերիաները: Պարզապես հարկավոր է օրական 3 անգամ մեկական թեյի գդալ մեղր ուտել:
3. Լոռամրգի հյութ
Ուսումնասիրությունները ցույց են տվել, որ այս հյութն օգնում է 14%-ով նվազեցնել ախտածին բակտերիայի քանակությունը:
4. Պրոբիոտիկներ
Այն հիվանդները, որոնք բուժման հիմնական թերապիայի հետ մեկտեղ նաև պրոբիոտիկներ են ընդունում, շատ ավելի լավ արդյունքի են հասնում և ավելի քիչ բարդությունների են բախվում: Փաստացիորեն՝ պրոբիոտիկներն օգնում են այն մարդկանց, որոնց դեպքում հակաբիոտիկներով բուժումն անարդյունավետ է եղել:
5. Այլ բնական միջոցներ
Քաղցրարմատը Հնդկաստանում ու Չինաստանում օգտագործվում է որպես խոցերի բուժման արդյունավետ միջոց, սակայն այն նաև հիանալի միջոց է այս բակտերիայի դեմ պայքարելու համար:
Բացի այդ, ուսումնասիրությունները ցույց են տվել, որ այս խնդրի դեպքում շատ արդյունավետ կարող են լինել նաև կանաչ թեյն ու կարմիր գինին:
Այս բնական միջոցներն օժտված են բնական հակաբակտերիալ հատկություններով, սակայն հարկ է հիշել, որ առավել լավ արդյունքի համար դրանք անհրաժեշտ է օգտագործել դատարկ ստամոքսին՝ մինչ որևէ բան ուտելը կամ խմելը:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին