Մարդկանց ինտելեկտը, ինչպես և մարմինը հարկավոր է պարբերաբար սնուցել ու մարզել:
Ձեր ուշադրությանն են ներկայացնում մի քանի փորձված մեթոդ՝ IQ-ն մարզելու համար:
Մենք գիտենք, որ հիշողությունը կարելի է մարզել օտար լեզուներ սովորելով կամ բանաստեղծություններ անգիր անելով, իսկ մարմինը՝ յոգայի և ֆիզիկական վարժությունների միջոցով:
Սակայն այս ամենի համար անհրաժեշտ է կամքի ուժ և ջանասիրություն:
Գիտնականներն առաջարկում են 11 պարզ մեթոդ ավելի խելացի դառնալու համար
1. Արթնանալուց հետո կես ժամվա ընթացքում հարկավոր է խմել երկու բաժակ ջուր: Ջուրը մաքրում է օրգանիզմը տոքսիններից և պահպանում է հեղուկի բալանսը: Քնած ժամանակ մարդը ջուր չի օգտագործում մոտ 6-9 ժամ, ուստի այս երկու բաժակ ջուրը լրացնում է այդ պակասը: Ուսումնասիրությունները ցույց են տվել, որ երբ դպրոցականները շատ ջուր են խմում, նրանք շատ ավելի լավ են լուծում խնդիրները:
2. Նախաճաշի ընթացքում հարկավոր է կարդալ գրականության ոլորտի նորություններ, քանի որ թերթերն ու լրահոսը այդքան էլ հարմար չեն: Նոր գրքերի մասին մեկնաբանություններն ու դրանց համառոտ նկարագիրը կարդալը շատ ավելի օգտակար է, ուստի կարելի է օգտվել այնպիսի հավելվածներից, ինչպիսիք են «smartreading»-ը, «knigikratko»-ն (գրքեր ռուսերեն լեզվով), «Blinkist»-ը և «getAbstract»-ը:
3. Աշխատանքի գնալիս ճանապարհին հարկավոր է լսել ձայնագրություններ ու աուդիոգրքեր: Սա սովորելու թեթև ու հաճելի եղանակ է:
4. Աշխատանքի վայրում հարկավոր է խմել կանաչ թեյ: Այն պարունակում է L-թեանին ամինաթթու, որը բարելավում է ուշադրությունը և ազատում սթրեսից՝ առանց քնկոտություն առաջացնելու:
5. Անհրաժեշտ է նաև կազմակերպել հետճաշյա հանգիստ: Ցերեկային կարճ քունը թարմացնում է միտքն ու բարձրացնում ուսուցման արդյունավետությունը: Միջինում մարդկանց մեծ մասը ժամը 12:00-16:00 ընկած ժամանակահատվածում, ինչպես նաև երեկոյան 18:00-ի շրջանում զգում է քնի կարիք: Սրանք հանգստի համար ամենահարմար ժամերն են:
6. Բացի այդ, անհրաժեշտ է նաև նվազեցնել օրվա ընթացքում օգտագործվող շաքարավազի քանակը: Ցանկալի է առհասարակ բացառել այն, սակայն եթե դա չի հաջողվում, ապա հարկավոր է գոնե չօգտագործել այն լարված աշխատանքի ժամանակ: Արյան մեջ շաքարի մակարդակի կտրուկ տատանումները բացասաբար են ազդում մտավոր կարողությունների վրա: Դրա փոխարեն հարկավոր է օգտագործել ճարպաթթուներով հարուստ մթերք (ձու, ձուկ և այլն):
7. Օրվա ընթացքում սոցիալական ու ժամանցային կայքեր հարկավոր է այցելել ընդամենը 1-2 անգամ: Գլխուղեղը հարմարվում է տեղեկատվության այն տեսակին, որը մարդը «տալիս» է: Եթե այն անընդհատ ստանում է արագ փոխվող տեղեկատվություն, ապա ուշադրության կենտրոնացումը թուլանում է:
8. Հեռուստացույց կամ բազմասերիանոց ֆիլմեր դիտելու փոխարեն կարելի է խաղեր խաղալ: Գիտնականները պարզել են, որ նույնիսկ Super Mario խաղը շատ ավելի օգտակար է, քան պարզապես հեռուստացույց դիտելը:
9. Մտավոր կարողությունները բարելավելու համար շատ լավ միջոց է նաև ծրագրավորում սովորելը, ինչը նման է գլուխկոտրուկ լուծելուն: Ծրագրավորում սովորելը տրամաբանական կարողությունների հիանալի խթանիչ է: Շնորհիվ նոր առցանց ռեսուրսների՝ ներկայումս ծրագրավորում կարող են սովորել նույնիսկ դպրոցականները:
10. Բացի այդ, հարկավոր է նաև շփվել խելացի մարդկանց հետ: Շրջապատի մարդկանց կենսակերպն ու մտածելակերպը միշտ իրենց հետքն են թողնում մարդու վրա, ուստի ավելի խելացի դառնալու համար հարկավոր է շփվել խելացի մարդկանց հետ:
11. Նաև շատ մեծ նշանակություն ունեն զբոսանքները, քանի որ զբոսնելիս բարելավվում է արյան շրջանառությունը, գլխուղեղը հագենում է թթվածնով, իսկ սթրեսի հորմոնի մակարդակը կտրուկ նվազում է: Օրվա երկրորդ կեսին արված զբոսանքը հիանալի մարզանք է երեկոյի համար:
Նյութը հրապարակման պատրաստեց zNews-ը
Կիսվե՛ք Ձեր ընկերների հետ