Դերասանուհի Մարիամ Ալեքսանյանը հայկական շոու բիզնեսի, թերևս, ամենաէմոցիոնալ ներկայացուցիչներից մեկն է:
Նա սոցիալական հարթակներում հաճախ է խոսում իր հույզերի մասին, շատ հաճախ անկեղծ ցուցադրում է իր ուրախության կամ բարկության պահերը:
Այս անգամ Մարիամը ինստագրամի սթորի հատվածում տատիկի հետ լուսանկար է հրապարակել, որին կից հուզիչ գրառում է արել:
«Ցավը շատ է լռեցրել Տատիկիս, ու այդ լռությունը այնքան խոսուն է, այնքան դաժան, փշոտ սահմաններով, որ ոչ մեկը չի կարող հատել դրանք և դարման լինել: Մնում է դու ինքդ էլ լռես և աղոթես:
«Տղերքդ հիմա վերևում հանգիստ են, Տատ ջան, մենք քո կողքին ենք»: Անընդհատ կարոտ և հուզմունք:
Իմ հավերժ երիտասարդ Տատիկ: Մեծ ուժ ունեցող մարդ, ով գիտի շարունակել կյանքը և ապրել (հանուն մեզ): Երանի աչքերիդ արևը հետ գար Տատ ջան:
Մեր մեծերին պետք է բառիս բուն իմաստով լավ նայենք, խնամենք, հոգ տանենք»,- գրել է Մարիամը: