Գորգեր` տան ինտերիերի բաղկացուցիչ մասը կազմող գեղեցիկ գործվածքներ։
Դրանք պահում են ջերմությունը, ապահովում են հաճելի զգացողություն, բայց նաև մի թերություն ունեն. դժվար են մաքրվում։
Իսկ բոլորին է հայտնի, որ գորգերը իրենց վրա են քաշում գրեթե ամեն ինչ` փոշեհատիկ, հոտեր, մազեր, կեղտ և այլն։
Այդ իսկ պատճառով, նույնիսկ փոշեկուլն ի զորու չէ հիմնովին մաքրել այն։
Նույնն էլ վերաբերում է կավրոլին կոչվածին։
Եթե գորգի դեպքում կարելի է դուրս տանել և լվանալ, ապա կավրոլինի պարագայում դա գրեթե անհնար է, քանի որ մեխված կամ սոսնձված են լինում հատակին։
Բայց գոյություն ունի կախարդական մի միջոց, որը բաղկացած է ընդամենը 3 բաղադրիչից և ի զորու է լուծել կեղտոտ գորգերի խնդիրը։
Ձեզ անհրաժեշտ է.
- Կերակրի սոդա
- Եթերային յուղ
- Հարմարավետ տարա (ցանկալի է չափորոշիչով (дозатор))
Վերցրեք մեկ բաժակ սոդա և այնտեղ 30 կաթիլ լավանդայի կամ ցիտրուսի եթերային յուղ կաթեցրեք (այդ 2 տեսակն ավելի արդյունավետ են մաքրում)։ Փակեք տարան և խառնեք ստացված զանգվածը։
Եթե տարայի կափարիչին չափորոշիչ չկա, ապա կարող եք այն ինքնուրույն բացել` մի քանի անցք անելով դրա վրա։
Իսկ օգտագործում եք այն հետևյալ կերպ. ցանեք այն գորգի/կավրոլինի ողջ մակերեսով և 20 րոպե անց մաքրեք փոշեկուլով։ Սոդան կվերացնի կեղտը, եթերային յուղը` հոտեր, իսկ փոշեկուլը կսրբի մնացածը։
Նյութը հրապարակման պատրաստեց zNews-ը
Կիսվե՛ք Ձեր ընկերների հետ
