Pantone-ը հայտարարել է 2022 թվականի տարվա գույնը։

Գույնի ինստիտուտն առաջին անգամ է, որ ստեղծել է ինքնուրույն երանգ, այլ ոչ թե ընտրել եղած ներկապնակից:

Pantone գույնի նստիտուտը ներկայացրել է 2022 թվականի տարվա գույնը՝ 17-3938 Very Peri անունը կրող յասամանագույն երանգը:

Առաջին անգամ է, որ Pantone-ը թվային եղանակով ստեղծել է սեփական երանգը:

7–3938 Very Peri-ն պետք է դառնա նոր ապագայի խորհրդանիշը, որտեղ թվային դիզայնն ընդլայնում է իրականության սահմանները, իսկ ֆիզիկական ու թվային կյանքերըը միաձուլվում են մեկ ամբողջության մեջ:

Ըստ ստեղծողների՝ նրանք հենվել են նոր իրականության վրա, որտեղ ակտիվորեն աճում են մետատիեզերքի հանրաճանաչությունը և արվեստի համայնքի ներկայությունը թվային տարածքում։

Ինստիտուտը նոր գույնը նկարագրում է որպես «շարժուն կապույտ՝ կենսատու մանուշակա-կարմիր երանգով, որը համատեղում է կապույտի հավատարմությունն ու համառությունը՝ կարմիրի էներգիայի և հուզմունքի հետ»:

«Հասարակությունը շարունակում է գիտակցել, որ գույնը հաղորդակցության կարևոր ձև ու զգացմունքներ արտահայտելու միջոց է, և այս կարմիր-մանուշակագույն երանգով նոր կապույտի բարդությունը ընդգծում է այն հսկայական հնարավորությունները, որոնք բացվում են մեր առջև», – ասում է Pantone գույնի ինստիտուտի փոխնախագահ Լորի Փրեսմանը։

Փորձագետների այս ընտրությունը լավագույնս համապատասխանում է դիզայներների կարծիքին: Յասամանի ողջ գունապնակը մի քանի սեզոնների ընթացքում գլխավորում է թրենդային ցուցակները և գալիք տարի ակնհայտորեն կհասնի իր գագաթնակետին:

Այնուամենայնիվ, նույնիսկ նրանք, ովքեր չեն հետևում միտումներին և նախընտրում են համեստ իրեր ու երանգներ, պետք է ավելի ուշադիր նայեն այս երանգին։

Նարդոսի նուրբ երանգը այն քչերից է, որը հավասարապես համադրվում է ինչպես սովորական զգեստապահարանի, այնպես էլ երեկոյան զգեստների հետ:

Եթե նախընտրում եք զուսպ և լակոնիկ կերպարները, ընտրեք փորիկ պայուսակ, որը հաջողությամբ կհարստացնի նույնիսկ ամենազուսպ հանդերձանքը:

Նյութը հրապարակման պատրաստեց zNews-ը

Կիսվե՛ք Ձեր ընկերների հետ