Հիպոթիրոիզմը հիվանդություն է, որն առաջանում է վահանաձև գեղձի հորմոնների անբավարարության արդյունքում։

Վահանաձև գեղձի դիսֆունկցիայից աշխարհում տառապում են միլիոնավոր մարդիկ։

Հիպոթիրոիզմը դանդաղեցնում է նյութափոխանակությունը և խանգարում օրգանիզմի փոփոխությունների գործընթացները։

Այս հիվանդության արդյունքում առաջանում են մի շարք առողջական խնդիրներ․

• քրոնիկ հոգնածություն
• քաշի ավելացում
• փորկապություն,
• նյութափոխանակության խանգարում,
• խոսելու և շարժման ունակությունների վատացում,
• նյարդայնություն,
• ցածր լիբիդո,
• մրսածության զգացողություն,
• խոլեստերինի մակարդակի բարձրացում,
• այտուցվածություն։

Կանայք վահանաձև գեղձի խնդիրներով տառապում են 10 անգամ ավելի շատ, քան տղամարդիկ, հատկապես 35 տարեկանից հետո։ Այդ խնդիրների բուժումը համարվում է բարդ գործընթաց և ունենում բազմաթիվ այլ բացասական ազդեցություններ։

Բոլոր նրանց համար, ովքեր ունեն խնդիրներ վահանաձև գեղձի հետ կապված և յոդի պակաս, մենք առաջարկում ենք մի միջոց, որը հիմնված է կանաչ հունական ընկույզի վրա։

Այս խառնուրդը պատրաստելու համար հարկավոր է կանաչ հունական ընկույզներ, որոնք հավաքել են մայիսի 20-ից մինչև հունիսի 15-ն ընկած հատվածը։ Այդ ընթացքի ընկույզները պարունակում են մեծ քանակությամբ C վիտամիններ, յոդ և ցինկ։ Պետք է հավաքել կանաչ ընկույզներն առանց շագանակագույն հետքերի և այնպիսիները, որոնք վնասված չեն։

Ընկույզի հասունությունը կարող եք ստուգել ասեղի օգնությամբ։ Եթե ասեղը հեշտությամբ անցնում է ընկույզի միջով և ծակած տեղից սկսում է հյութ հոսել, ուրեմն՝ պտուղը կարելի է հավաքել։ Այդպիսի ընկույզները հեշտ է կտրել դանակով։

Հունական ընկույզները հարուստ են վիտամիններով, հանքանյութերով, եթերային յուղով, օրգանիկ թթուներով և յոդով։ Իզուր չէ, որ այս պտղի երկրորդ անունը «թագավորական ընկույզ» է։ Պարզվում է՝ կանաչ ընկույզը՝ մեղրով, ունի երիտասարդացնող ազդեցություն ամբողջ օրգանիզմի վրա։ Այն օգտագործվում է արյունը մաքրելու նպատակով, ինչպես նաև լավ հակաբորբոքիչ է և պայքարում է ուռուցքների դեմ։

Ինչպես պատրաստել այդ միջոցը։ Ձեզ հարկավոր է՝

• 1 կգ կանաչ հունական ընկույզ,
• 1 կգ բնական մեղր,
• ապակե տարա

Պատրաստման եղանակը՝

1․ Լավ լվացեք ընկույզը և կտրտեք այն ոչ մեծ կտորների։

2․ Դրեք ընկույզները ապակե տարայի մեջ և վրան մեղր լցրեք։ Եթե մեղրը շաքարակալել է, պահեք այն գոլորշու վրա, որպեսզի այն հալվի։ Ընկույզը պետք է լինի ամբողջովին ծածկված մեղրով։ Մեղրի ազդեցության տակ ընկույզն ինտենսիվ սկսում է բաց թողնել իր հյութը։

3․ Փակեք այն կափարիչով և դրեք մութ վայրում 1 ամիս։ Ժամանակ առ ժամանակ անհրաժեշտ է խառնել այն։

4․ Հեռացրեք ընկույզները և քամեք հյութը։

Ստացված հեղուկը կարելի է ընդունել օրվա մեջ 3 անգամ, 1թ/գ, սնունդ օգտագործելուց առաջ։ Կանաչ ընկույզի մեղրով թուրմը՝

• ամրացնում է իմունիտետը,
• բարելավվում է հիշողությունը,
• բարձրացնում է աշխատունակության մակարդակը,
• կիրառվում է սակավարյունության, թուլության և հիպոթիրոիզմի ժամանակ։

Նյութը հրապարակման պատրաստեց zNews-ը

Կիսվե՛ք Ձեր ընկերների հետ