Բամիան անչափ համեղ ու օգտակար բանջարեղեն է, որը դարեր շարունակ օգտագործվել է ինչպես խոհանոցում, այնպես էլ բժշկության մեջ:
Այս բանջարեղենը պարունակում է մեծ քանակությամբ C և K վիտամիններ, ֆոլաթթու, ինչպես նաև մանրաթելեր, որոնք կարգավորում են արյան մեջ շաքարի մակարդակը, բարելավում մարսողությունն ու կարգավորում շաքարի կլանման գործընթացը:
Բամիայի մեջ պարունակվող օգտակար հատկությունների քանակը կախված է դրա պատրաստման եղանակից, սակայն փաստ է, որ այն հարուստ է սննդարար նյութերով:
100 գրամ բամիայում պարունակվում է.
- 16,3 մգ վիտամին C,
- 46 միկրոգրամ ֆոլաթթու,
- 40 միկրոգրամ վիտամին K,
- 283 մգ վիտամին A,
- 2,5 գրամ մանրաթելեր (սահմանված օրական չափաբաժնի 10%-ը),
- 0,2 մգ վիտամին В6,
- 0,1 մգ վիտամին B1 (թիամին),
- 225 մկգ բետա-կարոտին,
- 516 մկգ լյուտերին և զեակսանտին
- 36 մգ մագնեզիում,
- 0,3 մգ մանգան:
Բացի այդ, այն նաև օժտված է առողջության համար անհրաժեշտ մի շարք առավելություններով (հիմնականում մեծ քանակությամբ վիտամինների և օգտակար հանքանյութերի շնորհիվ): Ձեզ ենք ներկայացնում դրանցից 6-ը:
Պահպանում է աղեստամոքսային համակարգի առողջությունը
Բամիան պարունակում է մանրաթելեր, որոնք կենսական նշանակություն ունեն հաստ աղիքի առողջության ու մարսողության համար: Այն նաև մաքրում է աղեստամոքսային համակարգը՝ դրանով իսկ նպաստելով հաստ աղիքի աշխատանքի կարգավորմանը: Բացի այդ, վիտամին A-ն օգնում է աղեստամոքսային համակարգին աշխատել ինչպես հարկն է և նպաստում է լորձաթաղանթների առողջության պահպանմանը:
Օգնում է լուծել շնչառական խնդիրները
Այս բույսը հարուստ է վիտամին C-ով, որը շատ օգտակար է շնչառական խնդիրների դեպքում: Հետազոտությունները ցույց են տվել, որ այս վիտամինով հարուստ մթերքի օգտագործումը, նույնիսկ փոքր քանակության դեպքում, օգնում է նվազեցնել երեխաների մոտ խռպոտության ախտանշանները:
Օգնում է կանխել շաքարային դիաբետը
Սննդային մանրաթելերի և այլ օգտակար նյութերի առկայության շնորհիվ՝ բամիան օգնում է կարգավորել արյան մեջ շաքարի մակարդակը և շատ օգտակար է շաքարային դիաբետի դեպքում:
Բուժում է երիկամների հիվանդությունները
Պարբերաբար բամիայի գործածությունը կանխում է երիկամների հիվանդությունները: Ուսումնասիրությունները ցույց են տվել, որ բամիա ուտելը նպաստում է երիկամների վնասվածքների բուժմանը: Սա նույնպես կապված է շաքարային դիաբետի հետ, քանի որ երիկամների հիվանդությունների 50%-ն առաջանում է հենց շաքարային դիաբետի արդյունքում:
Նպաստում է հղիության առողջ ընթացքի պահպանմանը
Այս բանջարեղենը հարուստ է վիտամին C-ով և ֆոլաթթվով, որոնք կենսական նշանակություն ունեն հղի կանանց համար: Մասնավորապես՝ վիտամին B-ն շատ կարևոր է նոր բջիջների ստեղծման ու պահպանման համար, մինչդեռ վիտամին C-ն նպաստում է երեխայի բնականոն զարգացմանն ու կանխում բնածին արատների առաջացումը:
Նպաստում է մաշկի առողջությանը
Վիտամին C-ն երիտասարդացնում է մաշկը և նպաստում օրգանիզմի հյուսվածքների աճին ու վերականգնմանը: Այն նպաստում է մաշկի պիգմենտների և կոլագենի արտադրմանն ու երիտասարդացնում վնասված մաշկը: Մաշկին երիտասարդ, հարթ ու նուրբ տեսք հաղորդելու համար՝ անհրաժեշտ է եփել մի բուռ բամիան, մինչև այն փափկի, այնուհետև սառեցնել, տրորել և օգտագործել որպես դեմքի դիմակ: Քսել ստացված զանգվածը մաշկին, թողնել 5 րոպե, այնուհետև լվանալ:
Առհասարակ այս բույսն ունի բազում առավելություններ: Բացի վերոնշյալներից, այն նաև.
- Պահպանում է մարսողական համակարգի առողջությունը,
- Պայքարում է փորկապության դեմ,
- Նպաստում է առողջ հղիությանը,
- Կանխում է ազատ ռադիկալների առաջացրած վնասվածքները,
- Կանխում է շաքարային դիաբետը,
- Օգնում է կարգավորել քաշը,
- Նպաստում է հաստ աղիքի առողջությանն ու կանխում հաստ աղիքի քաղցկեղը,
- Նպաստում է աչքերի առողջությանը,
- Մեղմացնում է շնչառական խնդիրնեը, ինչպիսիք են ասթման, հազը կամ շնչառական այլ խնդիրները
- Բարելավում է տրամադրությունը
- Նպաստում է մաշկի առոջության պահպանմանը:
Նյութը հրապարակման պատրաստեց zNews-ը
Տեղեկացրե՛ք Ձեր մտերիմներին