Սնվելու որոշ անառողջ սովորություններ կարող են հանգեցնել օրգանիզմում տոքսինների կուտակման, ինչը լրացուցիչ ծանրաբեռնում է երիկամները: Երիկամների և լյարդի ճիշտ խոնավեցումը և պարբերական մաքրումը անրաժեշտ են այդ կենսականորեն կարևոր օրգանների օպտիմալ գործունեոթյունն ապահովելու համար: Կան մի շարք բույսեր, ինչպիսին մաղադանոսն է, որոնք կարող են կանխել երիկամների հիվանդությունը, երիկամներում քարերի առաջացումը և օրգանիզմում տոքսինների կուտակումը:

zNews-ը ներկայացնում է՝ մաղադանոսն ինչպես կարող է օգնել երիկամներին: Մաղադանոսը հարուստ է K, A, C վիտամիններով, ֆոլաթթվով, անհրաժեշտ հանքանյութերով, որոնցից է երկաթը:

Մաղադանոսը նաև մի շարք բուժիչ հատկություններ ունի, որոնք լավացնում են ընդհանուր առողջական վիճակը՝

• Հակամիկրոբային
• Հակաանեմիական
• Հակակոագուլյանտ
• Նվազեցնում է խոլեստերինն արյան մեջ
• Կանխում է լյարդի թունայնությունը
• Իջեցնում է արյան բարձր ճնշումը
• Միզամուղ
• Հիպոգլիկեմիկ
• Հակաօքսիդանտ
• Էստրոգեն (կարգավորում է ամսեկանները)

Մաղադանոսը շատ արդյունավետ է երիկամներում քարերի վերացման համար:

Այս բաղադրատոմսը նաև կանխում է աղի ներծծումը երիկամների հյուսվածքի մեջ, ինչը ևս խոչընդոտում է երիկամներում քարերի առաջացմանը:

Այս հյութը նաև պայքարում է տագնապի դեմ և հանգստացնում է նյարդերը:

Երիկամների մաքրման համար թեյի պատրաստումը՝

Կարող եք օգտագործել թարմ կանաչի, որը թեյն ավելի ուժեղ ազդող է դարձնում, կամ մի բուռ մաղադանոսի չորացրած տերևներ:

Բաղադրիչները՝

• 1 կապ մաղադանոսի թարմ տերևներ
• 8 բաժակ ֆիլտրացված ջուր
• 2 ճ. գ. հում, օրգանական մեղր
• ½ կիտրոնի թարմ քամած հյութ

Պատրաստումը՝

1.  Լվացեք մաղադանոսը և մեծ կտորներով կտրտեք:
2.  Ջուրը միջին կրակի վրա հասցրեք եռման վիճակի:
3.  Երբ այն եռա, ավելացրեք մաղադանոսը և կրակն իջեցրեք:
4.  Մարմանդ կրակի վրա եփել 10 րոպե:
5.  Քամեք և թողեք սառչի:
6.  Ավելացրեք կիտրոնի հյութ և մեղր ըստ ճաշակի:
7.  Խմել 1-2-ական բաժակ օրական:

Շատ պատրաստելու դեպքում ըմպելիքը դրեք սառնարան և խմեք շաբաթվա ընթացքում:

Եթե երիկամների հիվանդություն ունեք, նախքան թեյն ընդունելը խորհրդակցեք բժշկի հետ:

Թեյը խորհուրդ չի տրվում հղիներին, քանի որ այն կարող է արյունահոսություն առաջացնել:

Նյութը հրապարակման պատրաստեց zNews-ը

Տեղեկացրե՛ք Ձեր մտերիմներին