Կորոնավիրուսի օմիկրոն շտամը կարող է «տեղավորվել» ոչ թե մարդու քթում, այլ աղիներում, հավաստիացնում է ZOE Covid Symptom Study կազմակերպության (Մեծ Բրիտանիա) աշխատակից, պրոֆեսոր Թիմ Սպեկտորը։

Ինչպես գրում է The Sun-ը, պրոֆեսոր Սպեկտորը նկարագրել է կորոնավիրուսի օմիկրոն շտամի 7 գաղտնի ախտանշաններ եւ դրանց մեջ առանձնացրել է աղեստամոքսային տրակտի (ԱՍՏ) աշխատանքի խախտումները։

Վարակվածների մոտ կարող են նկատվել այնպիսի ախտանշաններ, ինչպիսին են.

• մեջքի ցավը,
• ախորժակի կորուստը,
• գիշերային քրտնարտադրությունը,
• փսխումը,
• լուծը եւ ԱՍՏ այլ խնդիրները,
• խառնափնթոր գիտակցությունը,
• աչքերի խնդիրները (բորբոքում, կարմրածություն, արտադրություն աչքերից եւ այլն)։

Այս ախտանշանների առկայության դեպքում մասնագետները խորհուրդ են տալիս անհապաղ ինքնամեկուսացվել եւ հանձնել կորոնավիրուսի ՊՇՌ թեստ։

Նյութը հրապարակման պատրաստեց med.news.am-ը

Կիսվե՛ք Ձեր ընկերների հետ